പത്തനംതിട്ടയില് മികച്ച വിജയം നേടുമെന്ന് എല്ഡിഎഫ് സ്ഥാനാര്ഥി ഡോ. ടി.എം. തോമസ് ഐസക്ക്. മണ്ഡല പരിധിയില് പൂഞ്ഞാര് ഒഴികെ എല്ലാ അസംബ്ലി മണ്ഡലങ്ങളിലും എല്ഡിഎഫ് മുന്നിലെത്തും. എല്ഡിഎഫ് വോട്ടുകള് കൃത്യമായി ബൂത്തുകളിലെത്തിയിട്ടുണ്ടെന്ന് ഐസക്ക് അവകാശപ്പെട്ടു. പത്തു ശതമാനത്തിലധികം പോളിംഗ് കുറഞ്ഞത് ബാധിക്കുക യുഡിഎഫിനെയും ബിജെപിയെയുമാണ്. അവരുടെ വോട്ടുകളാണ് ചെയ്യാതെ പോയിരിക്കുന്നത്.
പൂഞ്ഞാറില് ജോര്ജിന്റെ കുറെയധികം വോട്ടുകള് യുഡിഎഫിനു ലഭിക്കാനിടയുള്ളതുകൊണ്ടാണ് എല്ഡിഎഫ് പിന്നിലാകുമോയെന്ന സംശയമുള്ളത്. വിജ്ഞാന പത്തനംതിട്ട അടക്കം എല്ഡിഎഫ് മുന്നോട്ടുവച്ച എല്ലാ പദ്ധതികളുമായി മുന്നോട്ടു പോകുമെന്നും ഐസക്ക് പറഞ്ഞു.