കാഞ്ഞിരപ്പള്ളി എ.കെ.ജെ.എം. ഹയർ സെക്കൻഡറി സ്കൂൾ എൻ.എസ്.എസ്. യൂണിറ്റ് സംഘടിപ്പിച്ച കുടുംബ സൗഹൃദം 2023 ന്റെ ഉദ്ഘാടനം എൻഎസ്എസ് കാഞ്ഞിരപ്പ ള്ളി ക്ലസ്റ്റർ കൺവീനർ ബിനോ കെ തോമസ് നിർവ്വഹിച്ചു.സ്കൂൾ പ്രിൻസിപ്പാൾ ഫാദർ അഗസ്റ്റിൻ പീടികമല എസ്.ജെ. അദ്ധ്യക്ഷത വഹിച്ചു. സ്കൂൾ മാനേജർ ഫാദർ സ്റ്റീഫൻ സി തടം എസ്.ജെ. മുൻ പ്രോഗ്രാം ഓഫീസേഴ്സിനെ ആദരിച്ചു. പ്രസ്തുത യോഗത്തിൽ വച്ച് വിമുക്ത ഭടന്മാരായ ജോസഫ് കെ. തോമസ്, വിജയകുമാർ എന്നിവരെ സ്കൂൾ വൈസ് പ്രിൻസിപ്പാൾ ഫാദർ ദേവസ്സി പോൾ എസ്.ജെ. പൊന്നാട അണിയിച്ച് ആദരി ച്ചു.
തുടർന്ന് ലോക ഭക്ഷ്യമേളയോടനുബന്ധിച്ച് എൻ.എസ്.എസ്. യൂണിറ്റ് ഒരുക്കിയ വിഭ വ സമൃദ്ധമായ ഭക്ഷ്യമേള ബിനോ കെ. തോമസ് ഉദ്ഘാടനം ചെയ്തു. ദത്ത് ഗ്രാമ മെമ്പർ ആന്റണി മാർട്ടിൻ, എൻ.എസ്.എസ്. പ്രോഗ്രാം ഓഫീസർ അനിറ്റ മാത്യു, അസിസ്റ്റന്റ് പ്രോഗ്രാം ഓഫീസർ അനു കെ.വി., എൻ.എസ്.എസ്. ലീഡർമാരായ അഭിജിത്ത് സന്തോഷ്, തോമസ് എസ്.ജെ, അശ്വതി സുരേഷ്, ലെയാ സെബാസ്റ്റ്യൻ എന്നിവർ പ്രസംഗിച്ചു.
