എരുമേലി എംഇഎസ് കോളേജ് മുക്കൂട്ടുതറ പാതയിലെ റോഡിലെ മണൽ കിടന്ന വള വിൽ മുന്നിൽപോയ വാഹനത്തിൽ നിന്നും ടയർ വീണ് ബൈക്കിന്റെ നിയന്ത്രണം നഷ്ടപ്പെട്ട പാണപിലാവ് സ്വദേശി അനിൽകുമാറിന് ദാരുണാന്ത്യം .സംസ്കാരം പിന്നീട് . ഭാര്യ സുശീല ,മകൻ :അജേഷ്
ഇന്നുച്ച കഴിഞ്ഞാണ് സംഭവം.മുക്കൂട്ടുതറയിലേക്ക് പോകുകയായിരുന്ന ഇടകടത്തി ടികെഎം സ്കൂൾ മാനേജർ മാധവന്റെ മകൻ അനിൽകുമാർ കെ എം(55 ) ബൈക്കിൽ ടയർ ഇടിച്ചു മറിഞ്ഞുവീഴുകയായിരുന്നു.റോഡിൽ വീണ അനിൽകുമാറിന്റെ ദേഹ ത്തുകൂടെ എതിർ ദിശയിൽ വന്ന കാർ കയറി ഇറങ്ങുകയായിരുന്നു. ഗുരുതര പരുക്കേ റ്റ അനിൽകുമാറിനെ മാർസ്ലീവാ മെഡിസിറ്റിയിൽ പ്രവേശിപ്പിച്ചിരിക്കയാണ് മരണം സംഭവിച്ചത് .
ശബരിമല പാതകൂടിയായ ഈ ഭാഗത്തെ സൗത്ത് വാട്ടർ സപ്ലൈ സ്കീമിന്റെ ടാങ്ക് സ്ഥി തിചെയ്യുന്ന വളവിലാണ് റോഡിൽ മണൽ നിരന്നു കിടക്കുന്നത് .ഇന്നലെയും ഇവിടെ ബൈക്ക് നിരങ്ങി വീണ് യാത്രികരായ സ്ത്രീകൾക്ക് മുഖത്തും കൈകാലുകൾക്കും പരിക്കേറ്റിരുന്നു. മണൽ നിരന്നു കിടക്കുന്നത് സംബന്ധിച്ച് നാട്ടുകാർ പോലീസിൽ ഇന്നലെത്തന്നെ വിവരമറിയിച്ചിരുന്നതാണ് .റോഡിലെ നിരന്നിരിക്കുന്ന മണൽ ഉടൻ നീക്കം ചെയ്ത് അപകടങ്ങൾ ഒഴിവാക്കണമെന്ന് നാട്ടുകാർ പോലീസ് ,മോട്ടോർവാഹന ,പൊതുമരാമത്ത് അധികൃതരോട് ആവശ്യപ്പെട്ടെങ്കിലും നടപടി ഉണ്ടാകാത്തത് നാട്ടു കാരിൽ ശക്തമായ പ്രധിക്ഷേധം ഉണ്ടാക്കിയിട്ടുണ്ട് .
