കുട്ടിക്കാനം മുറിഞ്ഞപുഴക്ക് സമീപം മുണ്ടക്കയത്തെ സ്വകാര്യ സ്കൂൾ ബസ്സും കാറും കൂട്ടിയിടിച്ച് പത്തോളം സ്കൂൾ വിദ്യാർത്ഥികൾക്കും കാർ യാത്രികർക്കും പരിക്കേറ്റു. മുറിഞ്ഞ പുഴയ്ക്ക് സമീപം രാവിലെ 9 മണിയോടെ കൊല്ലം തേനി ദേശീയ പാതയിൽ മുറിഞ്ഞു പുഴയ്ക്ക് സമീപമായിരുന്നു അപകടം. അപകടത്തിൽ കാർ യാത്രക്കാരായ 3 പേർക്കും സാരമായി പരിക്കേറ്റിട്ടുണ്ട്. പരിക്കേറ്റ വിദ്യാർത്ഥികളെ മുണ്ടക്കയത്തെ സ്വകാര്യ ആശുപത്രിയിൽ പ്രവേശിപ്പിച്ചു.
സാരമായി പരുക്കേറ്റ കാർ യാത്രക്കാരായ കാഞ്ഞിരപ്പള്ളി മണ്ണാറക്കയം സ്വദേശികൾ സുകുമാരി (80) ബാബുക്കുട്ടൻ (59) ഓമന (48) എന്നിവരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.
