ലോക്ഡൗണ് നിയന്ത്രണങ്ങള് സംബന്ധിച്ച നിര്ദേശങ്ങള് രൂപപ്പെടുത്തുന്നതിന് സംസ്ഥാനം 17 അംഗ ടാസ്ക് ഫോഴ്സ് രൂപീകരിച്ചു. മുന് ചീഫ് സെക്രട്ടറി കെ.എം എബ്രഹാമിന്റെ നേതൃത്വത്തിലാണ് ടാസ്ക് ഫോഴ്സ് പ്രവർത്തിക്കുക.
കാഞ്ഞിരപ്പള്ളി മുൻ രൂപതാധ്യക്ഷൻ മാര് മാത്യു അറയ്ക്കല്, മാമന് മാത്യു, ജേക്കബ് പുന്നൂസ്, അടൂര് ഗോപാലകൃഷ്ണന്, എം.വി ശ്രേയാംസ്കുമാര്, അരുണാസുന്ദര് രാജ്, അഡ്വ. ബി. രാമന്പിള്ള. സദാനന്ദന്, ഡോ. ബി ഇക്ബാല്, ഡോ. എം.പി പിള്ള, ഡോ. ഫസല് ഗഫൂര്, മുരളി തുമ്മാരുകുടി, ഖദീജ മുംതാസ് തുടങ്ങി 17 പേരാണ് സമിതിയിലുള്ളത്. വാർത്താ സമ്മേളനത്തിൽ മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്. പ്രധാനമന്ത്രി വീഡിയോ കോണ്ഫ്രന്സില് നിര്ദേശിച്ചതിന്റെ അടിസ്ഥാനത്തിലാണ് ഇത്തരമൊരു ടാസ്ക് ഫോഴ്സ് രൂപികരിക്കുന്നതെന്ന് മുഖ്യമന്ത്രി പറഞ്ഞു.