110 കെവി വാഴൂർ സബ്സ്റ്റേഷന്‍റെ നിർമാണം ധൃതഗതിയിൽ നടന്നു വരികയാണ്. ഈ സബ്സ്റ്റേഷൻ ചാർജ് ചെയ്യാൻ 110 കെവി പള്ളം – കാഞ്ഞിരപ്പള്ളി ലൈനിൽ നിന്നുമാ ണ് സപ്ലൈ എടുക്കുന്നത്. നിലവിൽ 110 കെവി പള്ളം – കാഞ്ഞിരപ്പള്ളി ഫീഡർ, 110 കെവി പാമ്പാടി – കാഞ്ഞിരപ്പള്ളി ഫീഡറുകൾ ഒറ്റ ടവറിൽ കൂടി ഡബിൾ സർക്യൂട്ട് ആയി നിർമാണം നടന്നുകൊണ്ടിരിക്കുന്ന വാഴൂർ സബ്സ്റ്റേഷൻ സൈറ്റിൽ കൂടിയാണ് കടന്നു പോകുന്നത്. വാഴൂർ സബ്സ്റ്റേഷനിലേക്ക് സപ്ലൈ എടുക്കുവാൻ വേണ്ടി ഒരു ടവർ മേൽപ്പറഞ്ഞ ഡബിൾ സർക്യൂട്ടിന്‍റെ അടിയിൽ പുതിയതായി സ്ഥാപിക്കണം. ഈ ജോലി അടിയന്തരമായി ചെയ്യുന്നതിനുവേണ്ടിയാണ് ഡബിൾ സർക്യൂട്ട് ലൈൻ ഓഫ് ചെയ്യുന്നത്. കൂടാതെ വോൾട്ടേജ് ക്ഷാമവും അനുഭവപ്പെടും.
സബ് സ്റ്റേഷനുകളിൽ നിന്നു നിലവിൽ വൈദ്യുതി വിതരണം നടത്തിവരുന്ന പൊൻ കുന്നം ഇലക്ട്രിക്കൽ ഡിവിഷന്‍റെ കീഴിലുള്ള പൊൻകുന്നം, കാഞ്ഞിരപ്പള്ളി, എരുമേ ലി, മുണ്ടക്കയം, പാറത്തോട്, കൂട്ടിക്കൽ തുടങ്ങിയ ഇലക്ട്രിക്കൽ സെക്ഷനുകളിൽ വൈദ്യുതി തടസം പരമാവധി ഒഴിവാക്കുന്നതിനായി സമീപപ്രദേശങ്ങളിലുള്ള മറ്റ് സബ് സ്റ്റേഷനുകളിൽ നിന്നു ബാക്ക് ഫീഡിംഗ് നടത്തി പരമാവധി ഉപഭോക്തക്കൾക്ക് വൈദ്യുതി എത്തിക്കുന്നതിനുള്ള ക്രമീകരണം സ്വീകരിക്കും.
സബ്സ്റ്റേഷന്‍റെ നിർമാണം പൂർത്തീകരിക്കുന്നതോടെ വാഴൂർ, കങ്ങഴ, പള്ളിക്കത്തോ ട്, ചിറക്കടവ്, മണിമല, വെള്ളാവൂർ, കൂരോപ്പട, പാമ്പാടി, കറുകച്ചാൽ, നെടുംകുന്നം തുടങ്ങിയ പഞ്ചായത്തുകളിലെ ജനങ്ങൾക്ക് വൈദ്യുതി തടസരഹിതമായി നൽകുന്ന തിന് സഹായകരമാകുമെന്നും ഉദ്യോഗസ്ഥർ പറഞ്ഞു.
