കേരള കോൺഗ്രസ് എം ഇടതുപക്ഷത്തോടൊപ്പം ഉറച്ചുനിൽക്കും : ഡോ എൻ ജയരാജ്‌

പൊൻകുന്നം : ഇടതുപക്ഷ ജനാധിപത്യ മുന്നണിയിൽ ഉറച്ചുനിൽക്കുമെന്ന് കേരള കോൺഗ്രസ് എം വൈസ് ചെയർമാൻ ഡോക്ടർ എൻ ജയരാജ്. കഴിഞ്ഞ ലോകസഭ തെരഞ്ഞെടുപ്പിൽ ഇടതുപക്ഷ മുന്നണിക്ക് ഉണ്ടായ പരാജയം പാർട്ടി വിലയിരുത്തുമെന്നും ആവശ്യമായ പോരായ്മകൾ പരിഹരിക്കുന്നതിന് ഇടതുപക്ഷ മുന്നണി യിൽ ചർച്ച ചെയ്യുമെന്നും കേരള കോൺഗ്രസ് എം കാഞ്ഞിരപ്പള്ളി നിയോജകമണ്ഡലം സമ്മേളനം ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു.

കാർഷിക മേഖലയിലെ പ്രശ്നങ്ങൾ പരിഹരിക്കുന്നതിനു അടിയന്തര ഇടപെടലുകൾ നടത്തുവാൻ ഇടതുപക്ഷ മുന്നണിയിൽ ആവശ്യപ്പെടും. കാഞ്ഞിരപ്പള്ളി നി യോജകമണ്ഡലം പ്രസിഡണ്ട് ഏ എം മാത്യു അധ്യക്ഷത വഹിച്ച യോഗത്തിൽ ഷാജി പാമ്പൂരി, സുമേഷ് ആൻഡ്രൂസ്, സുനിൽ, ഡോ ബിബിൻ കുന്നക്കാട്ട്, റെജി പോ ത്തൻ, ജെസ്സി ഷാജൻ, ബിനോയ്‌ പുറ്റ്മണ്ണിൽ, ജോബി അയല്ലൂപറമ്പിൽ, ഷാജി നല്ലേപ്പറമ്പിൽ, ജോഷി അഞ്ചനാടൻ, കെ എസ് സെബാസ്റ്റ്യൻ, ജോസ് പി ജോൺസി കെ എസ് ജോസഫ്, സഞ്ചോ ആന്റണി, ശ്രീകാന്ത് എസ് ബാബു എന്നിവർ പ്രസംഗിച്ചു.