കാഞ്ഞിരപ്പള്ളി സെന്റ് ഡൊമിനിക് കോളേജിന്റെ വജ്ര ജൂബിലി ആഘോഷങ്ങളോടനുബന്ധിച്ച് 60 വിദ്യാർത്ഥികളുടെ മെഗാ രക്തദാന ക്യാമ്പ് നടത്തി. കോളേജ് എൻ എസ് എസ് യൂണിറ്റ്. പാലാ ബ്ലഡ് ഫോറത്തിന്റെയും കൊഴുവനാൽ ലയൺസ് ക്ലബ്ബിന്റെയും എച്ച് ഡി എഫ് സി ബാങ്കിന്റെയും സഹകരണത്തോടെയാണ് മെഗാ രക്തദാന ക്യാമ്പ് നടത്തിയത്.
കോളേജ് ഓഡിറ്റോറിയത്തിൽ സെന്റ് ഡൊമിനിക് കോളജ് പ്രിൻസിപ്പൽ ഡോ. സീമോൻ തോമസിന്റെ അധ്യക്ഷതയിൽ ചേർന്ന സമ്മേളനവും ബോധവത്കരണ ക്ലാസും കാഞ്ഞിരപ്പള്ളി ഡപ്യൂട്ടി സൂപ്രണ്ട് ഓഫ് പോലീസ് അനിൽ കുമാർ എം ഉദ്ഘാടനം ചെയ്തു . കോളേജ് ബർസാർ റവ. ഡോ. മനോജ് പാലക്കുടി അനുഗ്രഹ പ്ര ഭാഷണവും ലയൺസ് ഡിസ്ട്രിക് പ്രോജക്ട് കോർഡിനേറ്റർ സിബി പ്ലാത്തോട്ടം മുഖ്യപ്രഭാഷണവും പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം ര ക്തദാന സന്ദേശവും നടത്തി. എൻ.എസ്.എസ്. പ്രോഗ്രാം ഓഫീസർമാരായ ഡോ. ജോജി തോമസ്, ഡോ. ജിനു എലിസബേത്ത് സെബാസ്റ്റ്യൻ, ലയൺസ് ക്ലബ് പ്രസി ഡന്റ് ഡൈനോ ജയിംസ്, എൻഎസ്എസ് വോളണ്ടിയർ സെക്രട്ടറി ദിയാ തെരേസ് ജോഷി എന്നിവർ പ്രസംഗിച്ചു.
രക്തദാന ക്യാമ്പിൽ ഇരട്ട സഹോദരങ്ങൾ, കാഴ്ച പരിമിതിയുള്ള ആകാശ്, പെൺകുട്ടികൾ ഉൾപ്പടെയുള്ളവർ രക്തം ദാനം ചെയ്തത് ശ്രദ്ധേയമായി. എസ് എച്ച് മെഡി ക്കൽ സെന്റർ ബ്ലഡ് ബാങ്ക് ആണ് ക്യാമ്പ് നയിച്ചത്. സിസ്റ്റർ അനിലിറ്റ് എസ് എച്ച്, ഡോക്ടർ ജോജി മാത്യു, എൻഎസ്എസ് ലീഡർമാരായ ആൽബിൻ തോമസ്, ഗൗരി ഹരി, ഡയോൺ സാം എന്നിവർ ക്യാമ്പിനും പരിപാടികൾക്കും നേതൃത്വം നൽകി.
+ There are no comments
Add yours