മല അരയ മഹാസഭ  സൂപ്പർ സ്പെഷ്യാലിറ്റി ഹോസ്പിറ്റൽ സ്ഥാപിക്കും

മല അരയ മഹാസഭ സംസ്ഥാനത്ത് സൂപ്പർ സ്പെഷ്യാലിറ്റി ഹോസ്പിറ്റൽ ആരംഭിക്കും. പരാമ്പര്യ ചികിത്സാ രീതികളെ സംയോജിപ്പിച്ചായിരിക്കും ആതുര ശുശ്രൂഷ രംഗത്തേക്കു ചുവടുവ്ക്കുന്നത്. ഉന്നത വിദ്യാഭ്യാസ സ്ഥാപനങ്ങൾ ആരംഭിച്ച മല അരയ മഹാസഭ സമുദായയത്തിലെ നിരവധിയായ ഡോക്ടർമാരുടെ സേവനം പ്ര യോജനപ്പെടുത്തിക്കൊണ്ടായിരിക്കും ഇതിനുള്ള പരിശ്രമങ്ങൾ ആരംഭിക്കുക.

ഭൗതികസൗകര്യങ്ങൾ ഒരുക്കുന്നതിനായി ഒരു കോടി രൂപ സമാഹരിക്കാൻ മുരിക്കുംവയൽ ശബരീശ കോജ് ഓഡിറ്റോറിയത്തിൽ ചേർന്ന മല അരയ വനിതാ യുവ ജന ബാലസഭ  സംഘടനകളുടെ സംയുക്ത വാർഷിക സമ്മേളനം തീരുമാനിച്ചു. വാർഷിക സമ്മേളനം മല അരയ മഹാസഭ സംസ്ഥാന പ്രസിഡന്റ് എം. കെ സജി ഉദ്ഘാടനം ചെയ്തു. മല അരയ വനിതാ സംഘടനാ സംസ്ഥാന പ്രസിഡന്റ് അജിത അശോകൻ അധ്യക്ഷത വഹിച്ചു. സഭാ ജനറൽ സെക്രട്ടറി പി. കെ സജീവ് അനു ഗ്രഹ പ്രഭാഷണം നടത്തി. യുവജന സംഘടന ജനറൽ സെക്രട്ടറി പ്രൊഫ. സുബിൻ വി അനിരുദ്ധൻ , വൈസ് പ്രസിഡന്റ് ഷൈലജ നാരായണൻ, സഭാ സെക്രട്ടറി സ നൽ കാവനാൽ, ശബരീശ കോളേജ് വൈസ് പ്രിൻസിപ്പൽ പ്രൊഫ. സ്വാതി കെ ശിവൻ, ,പ്രഫ: അരുൺ നാഥ്‌ ടി. പി എന്നിവർ സംസാരിച്ചു.

പുതിയ ഭാരവാഹികളായി യുവജന സംഘടന സംസ്ഥാന പ്രസിഡൻ്റ്  ദേവികാ രാജ് ജനറൽ സെക്രട്ടറി പ്രൊഫ: സുബിൻ വി അനിരുദ്ധൻ വനിതാ സംഘടന പ്രസി ഡൻ്റ് അജിതാ അശോകൻ ജനറൽ സെക്രട്ടറി സുശീല രാധാകൃഷ്ണൻ ബാലസഭാ പ്രസിഡൻ്റ് ദർശന രാജൻ ജനറൽ സെക്രട്ടറി അക്ഷരാഷാജി എന്നിവരെ തിരഞ്ഞെ ടുത്തു.