ഓപ്പറേഷൻ തൂഫാൻ; ലഹരിവിരുദ്ധ കൂട്ടയോട്ടം

അന്താരാഷ്ട്ര ലഹരി വിരുദ്ധ ദിനമായ 2026 ജൂൺ 26-നോടനുബന്ധിച്ച് കേരള പോലീസിന്റെ ഓപ്പറേഷൻ തൂഫാൻ പദ്ധതിയുടെ ഭാഗമായി കാഞ്ഞിരപ്പള്ളി അക്കരപ്പള്ളി ഗ്രൗ ണ്ടിൽ നിന്ന് സെന്റ് ഡൊമിനിക് കോളേജിലേക്ക് രാവിലെ 9.00 മണിക്ക് കാഞ്ഞിരപ്പള്ളി പോലീസ് സ്റ്റേഷന്റെ ആഭിമുഖ്യത്തിൽ ലഹരിവിരുദ്ധ കൂട്ടയോട്ടം സംഘടിപ്പിക്കു ന്നു.

ലഹരി ഉപയോഗം വ്യക്തിയുടെയും കുടുംബത്തിന്റെയും സമൂഹത്തിന്റെയും ഭാവിയെ ഗുരുതരമായി ബാധിക്കുന്ന ഒരു സാമൂഹിക വിപത്താണ്. യുവജനങ്ങളിൽ വർധിച്ചു വരുന്ന ലഹരി ഉപയോഗ പ്രവണതയെ ചെറുക്കുന്നതിനും, ലഹരിയുടെ ദൂഷ്യഫലങ്ങളെക്കുറിച്ച് പൊതുസമൂഹത്തിൽ ശക്തമായ അവബോധം സൃഷ്ടിക്കുന്നതിനുമായാണ് ഈ കൂട്ടയോട്ടം സംഘടിപ്പിക്കുന്നത്.

ഈ പരിപാടിയിലൂടെ വിദ്യാർത്ഥികൾക്കും യുവജനങ്ങൾക്കും ആരോഗ്യകരമായ ജീവിതശൈലിയുടെ പ്രാധാന്യം മനസ്സിലാക്കിക്കൊടുക്കുകയും, ലഹരിക്കെതിരായ സാമൂ ഹിക പ്രതിബദ്ധത ശക്തിപ്പെടുത്തുകയും ചെയ്യുകയാണ് ലക്ഷ്യമിടുന്നത്. ലഹരിമുക്ത കേരളം എന്ന മഹത്തായ ലക്ഷ്യത്തിലേക്ക് സമൂഹത്തിന്റെ എല്ലാ വിഭാഗങ്ങളെയും ഒരുമിപ്പിക്കുന്ന ബോധവൽക്കരണ പ്രവർത്തനമായിരിക്കും ഈ കൂട്ടയോട്ടം.

കാഞ്ഞിരപ്പള്ളി പോലീസ് സ്റ്റേഷൻ പരിധിയിലെ സ്കൂൾ-കോളേജ് വിദ്യാർത്ഥികൾ, അധ്യാപകർ, SPC കേഡറ്റുമാർ, NCC കേഡറ്റുകൾ, NSS വോളണ്ടിയർമാർ, ജനപ്രതിനിധികൾ, സാംസ്കാരിക നേതാക്കൾ, വിവിധ സംഘടനകളുടെ പ്രതിനിധികൾ, യുവജന സംഘടനാ പ്രവർത്തകർ, ഓട്ടോ-ടാക്സി തൊഴിലാളികൾ, വ്യാപാരി-വ്യവസായി പ്രതിനിധികൾ, റസിഡന്റ്സ് അസോസിയേഷൻ അംഗങ്ങൾ, പൊതുജനങ്ങൾ തുടങ്ങി സമൂഹത്തിന്റെ വിവിധ മേഖലകളിൽ നിന്നുള്ള ആയിരക്കണക്കിന് ആളുകൾ പരിപാടിയിൽ പങ്കെടു ക്കുന്നു.”ലഹരിയോട് ഇല്ലെന്ന് പറയാം… ആരോഗ്യകരമായ നാളേക്കായി ഒരുമിച്ച് ഓടാം.”