ശക്തമായ മഴയിൽ ദേ​ശീ​യ​പാ​ത​യി​ൽ വെ​ള്ള​ക്കെ​ട്ട്

കാ​ഞ്ഞി​ര​പ്പ​ള്ളി: ശക്തമായ മഴയിൽ ദേ​ശീ​യ​പാ​ത​യി​ൽ വെ​ള്ള​ക്കെ​ട്ട്. ഓ​ട​ക​ൾ ഇ​ല്ലാ​ത്ത​തും ഉ​ള്ള ഓ​ട​ക​ൾ മ​ണ്ണും മാ​ലി​ന്യ​വും നി​റ​ഞ്ഞ് മൂ​ടി​യ​തു​മാ​ണ് വെ​ള്ള​ക്കെ​ട്ട് രൂ​പ​പ്പെ​ടാ​ൻ കാ​ര​ണം.  കനത്ത മ​ഴ​യിൽ ദേ​ശീ​യ​പാ​ത 183ല്‍ ​കാ​ഞ്ഞി​ര​പ്പ​ള്ളി ബ​സ് സ്റ്റാ​ന്‍​ഡി​ന് മു​ന്പി​ൽ രൂ​പ​പ്പെ​ടുന്ന വെ​ള്ള​ക്കെ​ട്ട് യാ​ത്ര​ക്കാ​രെ വ​ല​യ്ക്കുന്നു. വെ​ള്ളം കെ​ട്ടി കി​ട​ക്കു​ന്ന​തി​നാ​ല്‍ വാ​ഹ​ന​ങ്ങ​ള്‍ ക​ട​ന്നു​പോ​കു​മ്പോ​ള്‍ ആ​ളു​ക​ളു​ടെ ദേ​ഹ​ത്തേ​ക്ക് ചെ​ളി​വെ​ള്ളം തെ​റി​ക്കു​ന്ന സ്ഥി​തി​യാ​ണ്. ബ​സ് സ്റ്റാ​ന്‍​ഡ് പ്ര​വേ​ശ​ന കാ​വ​ട​ത്തി​ന് മു​ന്പി​ലൂ​ടെ പു​ത്ത​ന​ങ്ങാ​ടി ഭാ​ഗ​ത്ത് നി​ന്നും കെ​ട്ടി​ട​ങ്ങ​ളി​ല്‍ നി​ന്നും പു​റ​ത്തേ​ക്ക് ഒ​ഴു​കു​ന്ന വെ​ള്ള​മാ​ണ് ഇ​വി​ടെ കെ​ട്ടി​കി​ട​ക്കു​ന്ന​ത്.

പു​ത്ത​ന​ങ്ങാ​ടി ഭാ​ഗ​ത്ത് നി​ന്ന് ഒ​ഴു​കി​യെ​ത്തു​ന്ന വെ​ള്ളം ഓ​ട​യി​ലേ​ക്ക് ഒ​ഴു​കു​ന്ന​തി​നു​ള്ള ഭാ​ഗം അ​ട​ഞ്ഞ് കി​ട​ക്കു​ക​യാ​ണ്. അതിനാൽ വെള്ളം റോഡിലൂടെ കയറി ഒഴുകാനുള്ള കാരണമെന്ന് യാത്രക്കാരും വ്യാപാരികളും പറയുന്നു.  ബ​സ് സ്റ്റാ​ന്‍​ഡി​ന് മു​ന്‍​വ​ശം താ​ഴ്ന്ന ഭാ​ഗ​മാ​ണ് ഇ​വി​ടെ നി​ന്ന് ഇ​രു വ​ശ​ത്തേ​ക്കു​മു​ള്ള ഓ​ട​യി​ലേ​ക്ക് വെ​ള്ളം ഒ​ഴു​കു​ന്ന​തി​നും സം​വി​ധാ​ന​മി​ല്ല. ഓ​ട്ടോറി​ക്ഷാ സ്റ്റാ​ന്‍​ഡി​ല​ട​ക്കം വെ​ള്ളം കെ​ട്ടി​നി​ല്‍​ക്കു​ന്ന സ്ഥി​തി​യി​ലാ​ണ്. മഴ പെയ്ത് തീര്‍ന്ന് ഏറെ നേരം കഴിഞ്ഞാണ് ഇവിടുത്തെ വെള്ളക്കെട്ട് ഒഴിവാകുകയുള്ളു. മഴവെള്ളത്തിനൊപ്പം കറുത്ത നിറത്തിലുള്ള മാലിന്യം കലർന്ന് വെള്ളവും വ്യാപാര സ്ഥാപനങ്ങളുടെ മുന്പിലൂടെ യാണ് ഒഴുകിയെത്തുന്നത്. ഇത് പ്രദേശത്തൊക്കെ കടുത്ത ദുർഗന്ധമാണ് അനുഭവപ്പെടുന്നത്. മൂക്ക് പൊത്തി ഇരിക്കേണ്ട ഗതികേടാണെന്ന് വ്യാപാരികൾ പറയുന്നു. ഓടകളിലെ മണ്ണും മാലിന്യങ്ങളും നീക്കി വെള്ളം ഒഴുകിപോകാനുള്ള സംവിധാനങ്ങള്‍ ഏര്‍പ്പെടുത്തണമെന്ന് ആവശ്യം ശക്തമായി.