ഓണത്തിന് ഒരു കുടന്ന പൂവ് : ഇളങ്ങോയി ഹോളി ഫാമിലി സ്കൂളിൽ തൈ നടീൽ ഉത്സവം

ഇളങ്ങോയി:വാഴൂർ ബ്ലോക്ക് പഞ്ചായത്ത് നടപ്പിലാക്കുന്ന ഓണത്തിന് ഒരു കുടന്ന പൂവ് പദ്ധതിയുടെ ഭാഗമായി ഇളങ്ങോയി ഹോളിഫാമിലി ഇൻ്റർ നാഷണൽ സ്കൂളി ലെ കുട്ടികളുടെ നേതൃത്വത്തിൽ ബന്തിപൂകൃഷി ആരംഭിച്ചു. പള്ളിയങ്കണത്തിൽ നടന്ന തൈ നടീൽ ഉത്സവം ബ്ലോക്ക് പഞ്ചായത്ത് പ്രസിഡൻറ് മുകേഷ് കെ. മണി ഉത്ഘാടനം ചെയ്തു.

വൈസ് പ്രസിഡൻ്റ് ഗീത എസ്. പിള്ള അധ്യക്ഷത വഹിച്ചു. പള്ളി വികാരി ഫാ. സോണി മണക്കാട്ട്, സ്കൂൾ പ്രിൻസിപ്പാൾ ഫാ ഡെന്നൊ, സ്റ്റാൻ്റിംഗ് കമ്മറ്റി ചെയർമാൻ മാരായ ഷാജി പാമ്പൂരി ,പി .എം. ജോൺ, ബ്ലോക്ക് പഞ്ചായത്ത് അംഗം രജ്ഞിനി ബേബി,വാർഡ് അംഗം തോമസ് വെട്ടുവേലിൽ , കൃഷി അസിസ്റ്റൻ്റ് ഡയറക്ടർ ടി. ബി ന്ദു, ജോസ്.കെ. തോമസ്, സി. മേഴ്സി എസ്. എ. ബി. എസ്, അസിസ്റ്റൻ്റ് കൃഷി ആഫീസർ സജുകുമാർ ഇ.പി എന്നിവർ പ്രസംഗിച്ചു. തിരുവോണത്തിന് ആവശ്യമായ പൂ ക്കൾ ഉല്പാദിപ്പിക്കുക എന്ന ലക്ഷ്യമിട്ട് ബ്ലോക്ക് പഞ്ചായത്ത് 5 ലക്ഷം രൂപയുടെ പദ്ധതിയിലൂടെ മുപ്പതിനായിരം തൈകൾ ആണ് വിവിധ പഞ്ചായത്തുകളിലായി കൃഷി ചെയ്യുന്നത്.