ചിറക്കടവ് മണക്കാട്ട് ക്ഷേത്രത്തിൽ കല്യാണമണ്ഡപത്തിന്റെ നിർമാണം തുടങ്ങി

ചിറക്കടവ് മണക്കാട്ട് ഭദ്രാക്ഷേത്രത്തിൽ പണിയുന്ന കല്യാണമണ്ഡപത്തിന്റെയും ഓഡിറ്റോറിയത്തിന്റെയും ശിലാസ്ഥാപനം ആനുവേലിൽ ഡോ.പി. എൻ ശാന്ത കുമാരി നിർവഹിച്ചു. പി.രവീന്ദ്രൻ പുന്നാംപറമ്പിൽ, ഗോപാലപിള്ള തണ്ണിപ്പാറ, ഡോ.കാനം ശങ്കരപ്പിള്ള, ടി.എൻ.സരസ്വതിയമ്മ, തമ്പി സ്വദേശി, ടി.ജി.ബാലചന്ദ്രൻ പിള്ള, കെ.കെ. ഭരതൻ കുറുമള്ളൂർ, സി.എസ്.മുരളീധരൻപിള്ള എന്നിവർ ചേർന്ന് ദീപം കൊളുത്തി. മേൽശാന്തി കെ.എസ്.രഞ്ജിത്ത് നമ്പൂതിരി ഭൂമിപൂജ നടത്തി.

ഒരുപിടി മണ്ണ് പദ്ധതിയിലൂടെ സമാഹരിച്ച ഫണ്ട് ഉപയോഗിച്ച് വാങ്ങിയ 72 സെൻറു സ്ഥലത്താണ് കല്യാണമണ്ഡപം പണിയുന്നത്. പതിനായിരം ചതുരശ്രയടി വി സ്തീർണത്തിൽ പണിയുന്ന ആഡിറ്റോറിയത്തിൽ 1,000 പേർക്ക് ഇരിക്കാൻ സൗകര്യമുണ്ട്. എ.സി, മെയ്ക്ക്ഓവർ റൂമുകൾ, വിശാലമായ സ്റ്റേജ്, സിംഫണിസ്റ്റേജ്, ബാൽക്കണി, എക്കോ പ്രൂഫ് വാൾ സിസ്റ്റം, പാർക്കിങ്, വാഷ് ഏരിയകൾ എന്നീ സൗകര്യങ്ങളോടെയുള്ള നിർമാണത്തിന് 1.60 കോടി രൂപയാണ് ചെലവ് പ്രതീക്ഷി ക്കുന്നത്.

ദേവസ്വം പ്രസിഡൻറ് ടി.പി.രവീന്ദ്രൻപിള്ള, സെക്രട്ടറി പി.ജി.രാജു, ട്രഷറർ സി.ആർ.സുരേഷ്, വി.ജി.ശശികുമാർ, സുമേഷ് ശങ്കർ പുഴയനാൽ, എം.കെ.ജയകുമാർ എന്നിവർ നേതൃത്വം നൽകി.