പ്ര​ള​യ​ത്തി​ൽ ത​ക​ർ​ന്ന കി​ച്ച​ൻ​പാ​റ കോ​ൺ​ക്രീ​റ്റ് ന​ട​പ്പാ​ലം നാ​ടി​ന് സ​മ​ർ​പ്പി​ച്ചു

പ്ര​ള​യ​ത്തി​ൽ ത​ക​ർ​ന്ന കി​ച്ച​ൻ​പാ​റ കോ​ൺ​ക്രീ​റ്റ് പാല​ത്തി​നു പ​ക​രം ഇ​രു​മ്പ് കേ​ഡ​റി​ൽ നി​ർ​മി​ച്ച പു​തി​യ ന​ട​പ്പാ​ലം നാ​ടി​ന് സ​മ​ർ​പ്പി​ച്ചു. സെ​ബാ​സ്റ്റ്യ​ൻ കു​ള​ത്തു​ങ്ക​ൽ എം​എ​ൽ​എ ഉ​ദ്ഘാ​ട​നം ചെ​യ്തു. മു​ണ്ട​ക്ക​യം പ​ഞ്ചാ​യ​ത്ത് പ്ര​സി​ഡ​ന്‍റ് രേ​ഖാ ദാ​സ് അ​ധ്യ​ക്ഷ​ത വ​ഹി​ച്ചു. ജി​ല്ലാ പ​ഞ്ചാ​യ​ത്തം​ഗം പി.​ആർ. അ​നു​പ​മ, ബ്ലോ​ക്ക് പ​ഞ്ചാ​യ​ത്തം​ഗം പി.​കെ. പ്ര​ദീ​പ്, പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ഷീ​ല​മ്മ ഡൊ​മി​നി​ക്, പ​ഞ്ചാ​യ​ത്തം​ഗ​ങ്ങ​ളാ​യ സി.​വി. അ​നി​ൽ കു​മാ​ർ, സു​ലോ​ച​ന സു​രേ​ഷ്, ജി​നീ​ഷ് മു​ഹ​മ്മ​ദ്, ദി​ലീ​ഷ് ദി​വാ​ക​ര​ൻ, വി​വി​ധ രാ​ഷ്‌​ട്രീ​യ​ക​ക്ഷി പ്ര​തി​നി​ധി​ക​ളാ​യ ചാ​ർ​ലി കോശി, സി​ജു കൈ​ത​മ​റ്റം, അ​രു​ൺ കോ​ക്കാ​പ​ള്ളി എ​ന്നി​വ​ർ പ്ര​സം​ഗിച്ചു.

മു​ണ്ട​ക്ക​യം പ​ഞ്ചാ​യ​ത്തി​ലെ അ​ഞ്ചാം വാ​ർ​ഡി​ൽ കോ​ട്ട​യം, ഇ​ടു​ക്കി ജി​ല്ല​ക​ളെ ബ​ന്ധി​പ്പി​ക്കു​ന്ന ന​ട​പ്പാ​ലം എം​എ​ൽ​എ​യു​ടെ ആ​സ്തി വി​ക​സ​ന ഫ​ണ്ടി​ൽ​നി​ന്നു 11 ല​ക്ഷം രൂ​പ മു​ട​ക്കി​യാ​ണ് നി​ർ​മി​ച്ച​ത്. പാലം തകർന്നതോടെ പ്രദേശവാസികൾ മറുകര എത്തണമെങ്കിൽ കിലോമീറ്റർ ഓളം സഞ്ചരിക്കേണ്ട അവസ്ഥയിലായിരുന്നു. തുടർന്ന് തകർന്ന ബീമുകൾക്ക് മുകളിൽ തെങ്ങിൻതടികൾ ഉപയോഗിച്ച് നടപ്പാലം നിർമ്മിച്ചായിരുന്നു ജനങ്ങൾ മറുക്കര എത്തിരുന്നത്. എന്നാൽ ഇതും മഴവെള്ള പ്പാച്ചിലിൽ തകർന്നു.പിന്നീട് പ്രദേശവാസികൾ തന്നെ തടികൾ ഉപയോഗിച്ച് പാലം നിർമ്മിച്ചു.

എന്നാൽ കാലപ്പഴക്കത്തിൽ ഇതിന്റെ കൈവരികൾ നഷ്ടപ്പെട്ട് പാലം അപകടാഅവസ്ഥയിലായി മാറി. വിദ്യാർത്ഥികൾ ഉൾപ്പെടെയുള്ള പ്രദേശവാസികൾ മഴക്കാ ലത്തെ ജീവൻ പണയപ്പെടുത്തിയായിരുന്നു പാലത്തിലൂടെ മറുകര എത്തിയിരുന്നത്. ഈ പാലവും തകർന്നതോടെ പ്രദേശവാസികൾ കിലോമീറ്ററോളം ചുറ്റിയാണ് മറുക്കര എത്തിയിരുന്നത്.ഏറെനാളത്തെ കാത്തിരിപ്പിന് ശേഷം പാലത്തിന്റെ നിർമ്മാണം പൂർത്തീകരിച്ചിരിക്കുകയാണ്.മുമ്പ് പ്രളയത്തിൽ തകർന്നത് കോൺ ഗ്രീറ്റ് പാലമായിരുന്നു.എന്നാൽ ഇപ്പോൾ 11 ലക്ഷം രൂപ വിനിയോഗിച്ച് കേഡർ ഉപയോഗിച്ചാണ് പാലത്തിൻറെ നിർമ്മാണം പൂർത്തീകരിച്ചിരിക്കുന്നത്.