ശബരിമല തീർത്ഥാടകർ സഞ്ചരിച്ചിരുന്ന വാഹനം അപകടത്തില്‍പ്പെട്ട് ഡ്രൈവർ മരിച്ചു

എരുമേലി കണമല അട്ടിവളവില്‍ ശബരിമല തീർത്ഥാടകർ സഞ്ചരിച്ചിരുന്ന വാഹനം അപകടത്തില്‍പ്പെട്ട് ഡ്രൈവർ മരിച്ചു. അപകടത്തിൽപ്പെട്ട മിനിബസ്സിന്റെ ഡ്രൈവർ ആന്ധ്രാപ്രദേശ് സ്വദേശി രാജു (51) ആണ് മരിച്ചത്. പുലർച്ചെ 4.45-യോടെയായിരുന്നു അപകടം.കണമല അട്ടിവളവ് ഇറക്കത്തിൽ നിയന്ത്രണം വിട്ട മിനി ബസ്സ് ക്രാഷ് ബ്യാരറുകളിൽ തട്ടി റബ്ബർമരത്തിൽ ഇടിച്ചു മറിയുകയായിരുന്നു.

ആന്ധ്രാ പ്രദേശ് സ്വദേശികള്‍ സഞ്ചരിച്ച ബസ്സാണ് അപകടത്തില്‍പ്പെട്ടത്. 22 പേരാണ് വാഹനത്തില്‍ ഉണ്ടായിരുന്നത്. ഇതില്‍ 14 പേർക്ക് പരിക്കേറ്റു. പരിക്കേറ്റവ രിൽ എട്ടു പേരെകോട്ടയം മെഡിക്കല്‍ കോളേജ് ആശുപത്രിയിലേക്ക് മാറ്റി. അഞ്ചു പേർക്ക് പ്രാഥമികശുശ്രൂഷകൾ നൽകി വിട്ടയച്ചു..ഡ്രൈവർ രാജുവിനെ മെഡി ക്കൽ കോളേജിലേക്ക് കൊണ്ടു പോകും വഴിയാണ് മരണം സംഭവിച്ചത്. അമിതവേഗതയാണ് അപകടത്തിനിടയാക്കിയതെന്ന് മോട്ടോർ വാഹന വകുപ്പ അധികൃ തർ പറഞ്ഞു.