14 വയസ്സുള്ള ആൺകുട്ടിയോട് ലൈഗീക അതിക്രമം; പ്രതിക്കു 4 വർഷം കഠിന തടവും 10,000/- രൂപ പിഴയും

14 വയസ്സുള്ള ആൺകുട്ടിയോട് ലൈഗീക അതിക്രമം; പ്രതിക്കു 4 വർഷം കഠിന തടവും 10,000/- രൂപ പിഴയും…

സ്കൂൾ വിട്ടു വന്ന 14 വയസ്സുള്ള ആൺകുട്ടിയോട് ലൈഗീക അതിക്രമം കാണിച്ച കേസിലെ പ്രതി വണ്ടൻപതാൽ വെള്ളൂപ്പറമ്പിൽ ഷെഹീർ മീരാന് 4 വർഷം കഠിന തടവിനും,10,000/- രൂപ പിഴയും ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ കോടതി (POCSO) ജഡ്ജ് റോഷൻ തോമസ് വിധിച്ചു .

പ്രതി പിഴ അടച്ചാൽ 7500/- രൂപ ആൺകുട്ടിക്ക് നൽകുന്നതിനും ഉത്തരവായിട്ടുണ്ട്. പോക്സോ നിയമത്തിലെ വിവിധ വകുപ്പുകൾ പ്രകാരമാണ് ശിക്ഷ വിധിച്ചത്. 10/6/24 ൽ ആയിരുന്നു കേസിന് ആസ്പദമായ സംഭവം നടന്നത്. കാഞ്ഞിരപ്പള്ളി പോലീസ് സ്റ്റേഷൻ SIആയിരുന്ന സക്കീർ ഹുസൈൻ FIR രജിസ്റ്റർ ചെയ്തു പ്രതിയെ അറസ്റ്റ് ചെയ്ത കേസിൽ കാഞ്ഞിരപ്പള്ളി SI ശാന്തി. K. ബാബു തുടരന്വേഷണം പൂർത്തിയാക്കി.

പ്രതിയുടെ പേരിൽ കുറ്റപത്രം തയ്യാറാക്കി കോടതിയിൽ സമർപ്പിച്ചു. പ്രോസിക്യൂഷൻ ഭാഗത്തുനിന്നും 17 സാക്ഷികളെയും 13 പ്രമാണങ്ങളും ഹാജരാക്കിയ കേസിൽ പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യുട്ടർ Adv. ജോസ് മാത്യു തയ്യിൽ ഹാജരായി.