കാഞ്ഞിരപ്പള്ളിയിലുണ്ടായ വാഹനാപകടത്തിൽ ഒരു കുട്ടി അടക്കം നാല് ശബരിമല തീർത്ഥാടകർക്ക് പരുക്ക്

കാഞ്ഞിരപ്പള്ളിയിലുണ്ടായ വാഹനാപകടത്തിൽ ഒരു കുട്ടി അടക്കം നാല് ശബരിമല തീർത്ഥാടകർക്ക് പരുക്ക്..ശബരിമല തീർത്ഥാടനം കഴിഞ്ഞ് മടങ്ങുകയായി രുന്ന സംഘമാണ് അപകടത്തിൽപെട്ടത്. തൊടുപുഴ സ്വദേശികളായ ശാരദാ വിലാസത്തിൽ സുജിത് (34), ശബരിനാഥ് (5), ഗോപാലകൃഷ്ണ പണിക്കർ (58) ,ശ്രീജിത്ത് (29) എന്നിവർക്കാണ് പരുക്കേറ്റത്.രാവിലെ 8 മണിയോടെയായിരുന്നു അപകടം.നിയന്ത്രണം നഷ്ടമായ വാഹനം ആനക്കല്ല് വളവ് കയത്ത് വച്ച് റോഡിൻ്റെ വശത്തു ളള വീടിൻ്റെ മതിലിലേയ്ക്ക് ഇടിച്ച് കയറുകയായിരുന്നു. വാഹനത്തിലുണ്ടായിരുന്നവർ ഉറങ്ങിപ്പോയതാണ് അപകടത്തിനിടയാക്കിയത്.പരുക്കേറ്റവരെയെല്ലാം കാഞ്ഞിരപ്പള്ളി ജനറൽ ആശുപത്രിയിൽ പ്രവേശിപ്പിച്ച ശേഷം തൊടുപുഴയിലെ സ്വകാര്യ ആശുപത്രിയിലേയ്ക്ക് മാറ്റി.