മിനി ഡയറി യൂണിറ്റ് ആധുനികവത്കരണം; ക്ഷീരകർഷകർ അപേക്ഷ നൽകണം

കാഞ്ഞിരപ്പള്ളി ബ്ലോക്കിലെ വിവിധ പഞ്ചായത്തുകളിലെ ക്ഷീരകർഷകർക്കുള്ള മിനി ഡയറി യൂണിറ്റ് ആധുനികവത്കരണം പദ്ധതിയിൽ താല്പര്യമുള്ള കുറഞ്ഞ ത് 5 പശുവിനെയെങ്കിലും വളർത്തുന്ന  ഗുണഭോക്താക്കൾക്ക് സബ്‌സിഡി മാർഗ്ഗരേഖ പ്രകാരം കറവയന്ത്രം, പ്രഷർ വാഷർ, ചാഫ് കട്ടർ, കൗമാറ്റ്, വീൽബാരോ, സ്ലറി പമ്പ്, ആട്ടോമാറ്റിക് ഡ്രിങ്കിംഗ് വാട്ടർ ബൗൾ, ഡംങ്ങ്‌സ്ക്രാപ്പർ എന്നീ ഉപകരണങ്ങൾ വാങ്ങുന്നതിന് 50% അഥവാ പരമാവധി 50,000/-രൂപ വരെ ധനസഹായം നൽകു ന്നു.  ഉപകരണങ്ങൾ വാങ്ങുവാൻ  2025-26 ഗുണഭോക്തൃ ലിസ്റ്റിൽ ഉൾപ്പെട്ടിട്ടുള്ള ക്ഷീരകർഷകർ  താല്പര്യപെടുന്നുണ്ടെങ്കിൽ   അപേക്ഷ, ആധാർ, റേഷൻ കാർഡ്, ബാങ്ക് പാസ്സ് ബുക്ക്, 5 ലക്ഷം രൂപയിൽ താഴെയുള്ള വരുമാന സർട്ടിഫിക്കറ്റ്  പകർപ്പുകൾ സഹിതം കാഞ്ഞിരപ്പള്ളി മിനി സിവിൽ സ്റ്റേഷനിൽ പ്രവർത്തിക്കുന്ന ക്ഷീരവികസന യൂണിറ്റ് ഓഫിസിൽ 2025 സെപ്റ്റംബർ 20 തീയതിയ്ക്കകം നൽകണമെന്ന് നിർവഹണ ഉദ്യോഗസ്ഥനായ ക്ഷീരവികസന ആഫീസർ അറിയിച്ചു. കൂ ടുതൽ വിവരങ്ങൾക്ക് ഫോൺ നമ്പർ : 04828 201126 9496622317 എന്നീ നമ്പറുകളിൽ വിളിക്കുക.