ഡൽഹിയിൽ ബൈക്കപകടത്തിൽ പരിക്കേറ്റ് ചികിത്സയിലിരുന്ന യുവാവ് മരിച്ചു. നെടുംകുന്നം തടത്തിൽ നാരായണൻകുട്ടിയുടെ മകൻ ടി. എൻ. ശ്യാംകുമാർ (33) ആണ് മരിച്ചത്. വ്യാഴാഴ്ച രാത്രി 10ന് ഡൽഹി ഫരീദാബാദിലായിരുന്നു അപകടം. സ്വകാര്യകമ്പനിയിലെ ജീവനക്കാരനായ ശ്യാംകുമാർ ജോലി കഴിഞ്ഞ് ഫരീദാബാദിലെ വീട്ടിലേക്ക് ബൈക്കിൽ പോകവേ കാറിടിക്കുകയായിരുന്നു. ഗുരുതരമായി പരിക്കേറ്റ ശ്യാംകുമാർ ചികിത്സയിലിരിക്കേ ഇന്നലെ മരിച്ചു. അമ്മ: എൻ.കെ. സുഷമ. ഭാര്യ: പാർവതി (നഴ്‌സ് എസ്എസ്ബി ആശുപത്രി ഫരീദാബാദ്). മകൾ: ആർദ്ര എസ്. നായർ. സംസ്‌കാരം പിന്നീട്.
