ബസും ബൈക്കും കൂട്ടിയിടിച്ച് പരിക്കേറ്റ് ചികിത്സയിലായിരുന്ന യുവാവ് മരിച്ചു. എരുമേലി ഇരുന്പൂന്നിക്കര പുതുപറന്പിൽ പ്രദീഷ് (42) ആണ് മരിച്ചത്. സംസ്കാരം ഇന്നലെ വീട്ടുവളപ്പിൽ നടത്തി. കഴിഞ്ഞ ദിവസം ഉച്ചകഴിഞ്ഞ് 2.30 ഓടെ എരുമേലി – മുണ്ടക്കയം പാതയിൽ ചരള ആനക്കല്ലിന് സമീപത്തായിരുന്നു അപകടം.
മുണ്ടക്കയത്തുനിന്ന് എരുമേലിയിലേക്ക് വരികയായിരുന്ന സ്വകാര്യ ബസും എരുമേലിയിൽ നിന്നു മുണ്ടക്കയം ഭാഗത്തേക്ക് പോകുകയായിരുന്ന ബൈക്കുമാണ് അപകടത്തിൽപ്പെട്ടത്. ബൈക്കിൽ ഒപ്പമുണ്ടായിരുന്ന സുഹൃത്ത് ഇടമലയിൽ സുമേഷി (44) ന് പരിക്കേറ്റെങ്കിലും അപകടനില തരണം ചെയ്യാനായി. വളവിൽ തെറ്റായദിശയിലൂടെ വന്ന സ്വകാര്യബസ് ഇടിച്ചാണ് അപകടമെന്ന് നാട്ടുകാർ പറഞ്ഞു.
