എരുമേലി : സുഹൃത്തുക്കൾക്ക് കിട്ടിയ രണ്ടു പവന്റെ സ്വർണമാല തിരികെയേൽപ്പിച്ചു മാതൃകയായി . തിങ്കളാഴ്ച രാവിലെ പെരുന്തേനരുവി ഭാഗത്തുള്ള കുറുമ്പൻ മുഴി പുഴയുടെ തീരത്തു കളഞ്ഞു പോയ 2 പവനോളം തൂക്കമുള്ള സ്വർണ്ണമാല വിനോദയാത്രയ്ക്ക് പോയ വലിയതോവാള പൂനാട്ട് നിർമ്മൽ സ്കറിയക്കും കൂട്ടുകാർ ക്കും കിട്ടുകയും യാത്രാമധ്യേ എരുമേലി പോലീസ് സ്റ്റേഷനിൽ എത്തിക്കുകയും ആയിരുന്നു.
മാല കളഞ്ഞു കിട്ടിയ കുറുമ്പൻമൂഴി ഉൾപ്പെടുന്ന വെച്ചൂച്ചിറ പോലീസ് സ്റ്റേഷൻ ഉൾപ്പെടെ ഉള്ള പോലീസ് സ്റ്റേഷനുകളിലേക്ക് എരുമേലി സ്റ്റേഷനിൽ നിന്നും ഈ വി വരത്തിന് മെസ്സേജുകൾ പാസ് ചെയ്തു. തുടർന്ന് വെച്ചുച്ചിറ പോലീസ് സ്റ്റേഷനിൽ നിന്നും ലഭിച്ച പരാതിയുടെ അടിസ്ഥാനത്തിൽ കളഞ്ഞുപോയ മാലയുടെ ഉടമസ്ഥ യെ വിവരമറിയിക്കുകയും മാലയുടെ ഉടമ ചാത്തൻതറ ഈട്ടിക്കൽ അജിത സാജൻ എത്തുകയും യുവാക്കളുടെ സാന്നിധ്യത്തിൽ സ്വർണ്ണമാല സ്റ്റേഷനിൽ വെച്ച് തിരികെ നൽകുകയും ചെയ്തു.
+ There are no comments
Add yours