കാഞ്ഞിരപ്പള്ളി നിയോജക മണ്ഡലത്തിലെ വോട്ടണ്ണല് കേന്ദ്രമായ സെന്റ് ഡൊമിനിക്സ് സ്കൂളില് ഒരുക്കങ്ങള് പൂര്ത്തിയായി. കോവിഡ് നിയന്ത്രണങ്ങള് കര്ശനമായി പാലിച്ച് കൊണ്ടാകും വോട്ടെണ്ണല് നടക്കുക. നാളെ രാവിലെ എട്ടിന് വോട്ടണ്ണെല് ആരംഭിക്കും. വോട്ടെണ്ണല് ജോലികള്ക്കായി നിയോഗിച്ചിട്ടുള്ള ഉദ്യോഗസ്ഥര്ക്കും പാസ് അനുവദിച്ചവര്ക്കും മാത്രമാണ് വോട്ടെണ്ണല് കേന്ദ്രത്തില് പ്രവേശിക്കാനാകുക. പോസ്റ്റല് വോട്ടുകളാകും ആദ്യം എണ്ണുക. വോട്ടണ്ണെല് കേന്ദ്രത്തിന് പുറത്ത് നൂറ് മീറ്റര് ചുറ്റളവില് കൂട്ടം കൂടുന്നത് നിരോധിച്ചിട്ടുണ്ട്. ടൗണിലും പരിസര പ്രദേശങ്ങളിലും പോലീസ് പരിശോധ നടത്തും.