കാഞ്ഞിരപ്പള്ളി സർവീസ് സഹകരണ ബാങ്ക് തെരഞ്ഞെടുപ്പിൽ ജോർജ് വർഗീസ് പൊട്ടം കുളത്തിന്റെ നേതൃത്വത്തിലുള്ള യൂ ഡി എഫ് പാനൽ വിജയിച്ചു. യുഡിഎഫ് പാനലിലെ ജോബ് കെ. വെട്ടം, ജോളി മടുക്കക്കുഴി, കെ. ജോർജ് വർഗീസ്, തോമസ് ജോസഫ്, ഫിലിപ്പ് നിക്കോളാസ്, ടോജി വെട്ടിയാങ്കൽ, സ്റ്റനിസ്ലാവോസ് വെട്ടിക്കാട്ട്, ടി.ജെ. മോഹനൻ, ജെസി ഷാജൻ, സുനിജ സുനിൽ, റാണി മാത്യു എന്നിവരാണ് മത്സരിച്ചു വിജയിച്ചത്.
ഇന്ന് രാവിലെ ഒന്പതു മുതൽ വൈകുന്നേരം നാലു വരെ സെന്‍റ് ഡൊമിനിക്സ് ഹയർ സെക്കൻഡറി സ്കൂളിൽ ആണ് ഇലക്ഷൻ നടന്നത്. യുഡിഎഫ്, എൽഡിഎഫ് പാനൽ കൂടാതെ സ്വാതന്ത്രന്മാരും മത്സര രംഗത്തുണ്ടായിരുന്നു. അഡ്മിനിസ്ട്രേഷൻ ഭരണത്തിലാ യിരുന്നു ബാങ്ക് .മാത്രമല്ല മരിച്ചുപോയവരെ വരെ അംഗങ്ങളായി ഉണ്ടന്നത് കണ്ടെത്താ ൻ സുപ്രിം കോടതിവരെ കേസും നടത്തി. തെരഞ്ഞെടുപ്പിൽ കനത്ത പോലീസ് സുരക്ഷ യും സി സി ക്യാമറയും സ്ഥാപിച്ചിരുന്നു.കാഞ്ഞിരപ്പള്ളി സഹകരണ ബാങ്കിനെ വർഷ ങ്ങളോളം നയിച്ച കെ ജോർജ് വർഗീസ് പൊട്ടംകുളം എന്ന വക്കച്ചായി തന്നെ പ്രസിഡ ന്റ് സ്ഥാനത്തേക്ക് വരുമെന്നാണ് രാഷ്ട്രീയ കേന്ദ്രങ്ങൾ നൽകുന്ന സൂചന.
ആറുമാസം മുന്പ് നടക്കാനിരുന്ന തെരഞ്ഞെടുപ്പ് പ്രചാരണം ആരംഭിച്ചതിന് ശേഷം തെരഞ്ഞെടുപ്പിന് തൊട്ടു മുന്പ് മാറ്റി വയ്ക്കുകയായിരുന്നു. തുടർന്ന് ഇപ്പോൾ എൽ ഡിഎഫ് പാനലിൽ മത്സരിച്ച വി.എൻ. രാജേഷ് ഉൾപ്പെടെയുള്ള അഡ്മിനിസ്ട്രേറ്റീവ് ഭരണത്തിന്‍റെ കീഴിലായിരുന്നു ബാങ്ക്.
