ബസിൽ ബൈക്ക് ഇടിച്ചുണ്ടായ അപകടത്തിൽ രണ്ടു പേർക്ക് പരിക്ക്. ഇരുമ്പൂന്നിക്കര സ്വദേശി പുതുപ്പറമ്പിൽ പ്രദീഷ്, സുഹൃത്ത് സുമേഷ് എന്നിവർക്കാണ് പരിക്കേറ്റത്. ഇരുവരെയും പ്രാഥമിക ചികിത്സ നൽകിയ ശേഷം കോട്ടയം മെഡിക്കൽ കോളജിൽ പ്രവേശിപ്പിച്ചു. പ്രദീഷിന്റെ നില അതീവ ഗുരുതരമാണ്. ഇന്നലെ ഉച്ചയോടെ എരുമേലി – മുണ്ടക്കയം റോഡിൽ ചരള ആനക്കല്ല് ഭാഗത്താണ് അപകടം. ഇരുവരും സഞ്ചരിച്ച സഞ്ചരിച്ച പൾസർ ബൈക്കും മുണ്ടക്കയത്തു നിന്നു യാത്രക്കാരുമായി വന്ന സൗപർണിക സ്വകാര്യ ബസും തമ്മിൽ ഇടിച്ചാണ് അപകടമുണ്ടായത്.