ചിറക്കടവിൽ സിപിഎം-ബിജെപി സംഘർഷത്തിന് അയവില്ല. പോലീസ് വിവിധ സ്ഥലങ്ങളിൽ കാവൽ നിൽക്കുന്പോഴും അക്രമം തുടർക്കഥയാവുകയാണ്. കഴിഞ്ഞ രാത്രി സിപിഎം പ്രവർത്തകന്‍റെ ഓട്ടോറിക്ഷ ഒരുസംഘം കത്തിച്ചതാണ് പുതിയ സംഭവം.
രാത്രി പന്ത്രണ്ടോടെ കളന്പുകാട്ട് കവല ഉടുംന്പിയാംകുഴി മനോജിന്റെ ഓട്ടോറി ക്ഷയാണ് അക്രമികൾ അഗ്നിക്കിരയാക്കിയത്. പൊൻകുന്നം സ്റ്റാൻഡിൽ ഓട്ടോ ഓടി ക്കുന്ന മനോജ് ഓട്ടം കഴിഞ്ഞ് അടുത്തുള്ള വീട്ടുമുറ്റത്ത് വാഹനം നിർത്തിയിട്ടിരിക്കു കയായിരുന്നു.
വെള്ളിയാഴ്ച വൈകിട്ട് മൂന്ന് ആർഎസ്എസ് പ്രവർത്തകർക്ക് വെട്ടേൽക്കുകയും സിപിഎം പ്രവർത്തകന്‍റെ വീടിന് നേരെ ആക്രമണം നടക്കുകയും ചെയ്തതിന്‍റെ പിന്നാലെയാണ് ഓട്ടോ കത്തിച്ചത്.
