പട്ടയവുമായി ബന്ധപ്പെട്ട വിഷയങ്ങള്‍ പരിഹരിക്കാന്‍ സര്‍ക്കാര്‍ പട്ടയമിഷന്‍ രൂപീകരിക്കുമെന്നും ഇതിന്‍റെ ഉദ്ഘാടനം 25ന് കോട്ടയത്തു നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ നിര്‍വഹിക്കുമെന്നും മന്ത്രി കെ. രാജന്‍. മണിമല സ്മാര്‍ട്ട് വില്ലേജ് ഓഫീസിന്‍റെ ഉദ്ഘാടനം ഓണ്‍ലൈനായി നിര്‍വഹിച്ചു പ്രസംഗിക്കുകയായിരുന്നു അദ്ദേഹം. തോട്ടയ്ക്കാട്, ചെത്തിപ്പുഴ സ്മാര്‍ട്ട് വില്ലേജ് ഓഫീസുകളുടെയും ഉദ്ഘാടനം മന്ത്രി കെ. രാജന്‍ ഓണ്‍ലൈനായി നിര്‍വഹിച്ചു. സംസ്ഥാനത്തെ വിവിധ വകുപ്പുകളുടെ കൈയിലുള്ള ഭൂമി വിട്ടുകൊടുത്തുകൊണ്ട് റവന്യൂവകുപ്പിന് പട്ടയം നല്‍കാന്‍ കഴിയുന്ന കാര്യങ്ങള്‍ ഉള്‍പ്പെടെ നടപ്പാക്കും.
റവന്യൂവകുപ്പിന് പട്ടയം കൊടുക്കാന്‍ തടസം നില്‍ക്കുന്ന എല്ലാ സാങ്കേതികതടസങ്ങളും പരിഹരിച്ചുകൊണ്ട് അര്‍ഹരായവര്‍ക്കു പട്ടയം കൊടുക്കും. നിയോജകമണ്ഡലം തലത്തില്‍ എംഎല്‍എമാരുടെ സാന്നിധ്യത്തില്‍ രാഷ്‌ട്രീയപാര്‍ട്ടി നേതാക്കളുടെ യോഗം വിളിച്ച് ഓരോയിടത്തും ഉള്ള പ്രത്യേക ഭൂപ്രശ്നങ്ങള്‍ ചര്‍ച്ച ചെയ്യാനുള്ള പരിപാടി മേയ് മുതല്‍ ആരംഭിക്കും. പ്രശ്നങ്ങള്‍ എല്ലാം കണ്ടെത്തി രേഖയാക്കി പട്ടയ ഡാഷ്ബോര്‍ഡില്‍ ഉള്‍പ്പെടുത്തും. മണിമല വില്ലേജ് ഓഫീസ് അങ്കണത്തില്‍ നടന്ന ചടങ്ങില്‍ സര്‍ക്കാര്‍ ചീഫ് വിപ്പ് ഡോ. എന്‍ ജയരാജ് അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് കെ. വി. ബിന്ദു, ജില്ലാ കളക്ടര്‍ പി.കെ. ജയശ്രീ, ജില്ലാ പഞ്ചായത്ത് വൈസ് പ്രസിഡന്റ് ശുഭേഷ് സുധാകരന്‍, ജില്ലാ പഞ്ചായത്തംഗം ജെസി ഷാജന്‍, കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് അജിതാ രതീഷ്, മണിമല പഞ്ചായത്ത് പ്രസിഡന്റ് ജയിംസ് പി സൈമണ്‍, തഹസില്‍ദാര്‍ ബെന്നി മാത്യു, വൈസ് പ്രസിഡന്റ് അതുല്യദാസ് എന്നിവര്‍ പ്രസംഗിച്ചു. തോട്ടയ്ക്കാട് വില്ലേജ് ഓഫീസ് അങ്കണത്തില്‍ നടന്ന ഉദ്ഘാടന ചടങ്ങില്‍ ജില്ലാ പഞ്ചായത്ത് പ്രസിഡന്റ് കെ.വി. ബിന്ദു അധ്യക്ഷത വഹിച്ചു.
ജില്ലാ കളക്ടര്‍ പി.കെ. ജയശ്രീ, സബ് കളക്ടര്‍ സഫ്ന നസറുദ്ദീന്‍, മാടപ്പള്ളി ബ്ലോക്ക് പഞ്ചായത്ത് പ്രസിഡന്റ് എന്‍. രാജു, വാകത്താനം പഞ്ചായത്ത് പ്രസിഡന്റ് റോസമ്മ മത്തായി, ജില്ലാ പഞ്ചായത്തംഗങ്ങളായ നിബു ജോണ്‍, സുധാ കുര്യന്‍, ബ്ലോക്ക് പഞ്ചായത്ത് അംഗങ്ങളായ ബീന കുന്നത്ത്, സൈന തോമസ്, വാകത്താനം പഞ്ചായത്ത് വൈസ് പ്രസിഡന്റ് മാത്യു പോള്‍, പഞ്ചായത്തംഗം ഗിരിജ പ്രകാശ് ചന്ദ്രന്‍, ഡെപ്യൂട്ടി കളക്ടര്‍ (എല്‍ആര്‍) ഫ്രാന്‍സിസ് ബി. സാവിയോ, ചങ്ങനാശേരി തഹസില്‍ദാര്‍ ടി.ഐ. വിജയസേനന്‍, സംസ്ഥാന നിര്‍മിതി കേന്ദ്രം റീജണല്‍ എന്‍ജിനിയര്‍ ടോമിച്ചന്‍ കെ. ജോസഫ് എന്നിവര്‍ പങ്കെടുത്തു. റീബില്‍ഡ് കേരള ഇനീഷ്യേറ്റീവ് പദ്ധതിയില്‍ ഉള്‍പ്പെടുത്തി ടോമി സി. വാടയില്‍ സൗജന്യമായി നല്‍കിയ ഏഴ് സെന്‍റ് സ്ഥലത്താണ് പുതിയ വില്ലേജ് ഓഫീസ് പണിതത്. ചെത്തിപ്പുഴ പഴയ വില്ലേജ് ഓഫീസിനോട് ചേര്‍ന്ന് 44 ലക്ഷം രൂപ ചെലവിട്ട് 1300 ചതുരശ്ര അടിയലാണ് പുതിയ സ്മാര്‍ട്ട് വില്ലേജ് ഓഫീസ് കെട്ടിടം നിര്‍മിച്ചിരിക്കുന്നത്. ചെത്തിപ്പുഴ വില്ലേജ് ഓഫീസ് അങ്കണത്തില്‍ നടന്ന ചടങ്ങില്‍ ജോബ് മൈക്കിള്‍ എംഎല്‍എ അധ്യക്ഷത വഹിച്ചു. ജില്ലാ കളക്ടര്‍ പി.കെ. ജയശ്രീ, സബ് കളക്ടര്‍ സഫ്നാ നസറുദീന്‍, ജില്ലാ പഞ്ചായത്ത് പ്രസിഡന്റ് കെ.വി. ബിന്ദു, വാഴപ്പള്ളി പഞ്ചായത്ത് പ്രസിഡന്റ് ഷീലാ തോമസ്, ജില്ലാ പഞ്ചായത്തംഗം സുധാ കുര്യന്‍, ബ്ലോക്ക് പഞ്ചായത്തംഗം മാത്തുക്കുട്ടി പ്ലാത്താനം, വാഴപ്പള്ളി പഞ്ചായത്ത് വൈസ് പ്രസിഡന്റ് ബിനു മൂലയില്‍, പഞ്ചായത്തംഗം സണ്ണി ചങ്ങങ്കേരി, ഡെപ്യൂട്ടി കളക്ടര്‍ ഫ്രാന്‍സിസ് ബി. സാവിയോ, ചങ്ങനാശേരി തഹസില്‍ദാര്‍ ടി.ഐ. വിജയസേനന്‍, പിഡബ്ല്യുഡി ബില്‍ഡിംഗ് വിഭാഗം എക്സിക്യൂട്ടീവ് എന്‍ജിനീയര്‍ പി. ശ്രീലേഖ എന്നിവര്‍ പങ്കെടുത്തു.
