എൽഡിഎഫ് സർക്കാരിന്‍റെ രണ്ടാമത് വാർഷികത്തോടനുബന്ധിച്ച് ഇടതു മുന്നണി കാഞ്ഞിരപ്പള്ളി നിയോജക മണ്ഡലം കമ്മിറ്റിയുടെ ആഭിമുഖത്തിൽ ശനിയാഴ്ച്ച പൊൻകുന്നത്ത് റാലിയും പൊതുസമ്മേളനവും നടക്കും. വൈകുന്നേരം അഞ്ചിന് രാജേന്ദ്ര മൈതാനത്ത് നടക്കുന്ന പൊതുസമ്മേളനം സിപിഐ സംസ്ഥാന എക്സിക്യൂട്ടീവ് അംഗം മുല്ലക്കര രത്നാകരൻ എംഎൽഎ ഉദ്ഘാടനം ചെയ്യും. മന്ത്രി വി.എൻ. വാസവൻ, മന്ത്രി റോഷി അഗസ്റ്റിൻ, ചീഫ് വിപ്പ് ഡോ.എൻ. ജയരാജ്, കെ.ജെ. തോമസ്, റജി സഖറിയ തുടങ്ങിയവർ പ്രസംഗിക്കും. ഇടതുപക്ഷ ജനാധിപത്യമുന്നണി സർക്കാരിൻ്റെ രണ്ടാം വാർഷികാഘോഷങ്ങളുടെ ഭാഗമായി മതേതര രാഷ്ട്രീയവും, സമാനതകൾ ഇല്ലാത്ത കേരളത്തിലെ ഇടതുപക്ഷ സർക്കാരിൻ്റെ വികസന കാര്യങ്ങളും, സാമൂഹ്യ ക്ഷേമ പ്രവർത്തനങ്ങളും വിശദീകരിക്കും
വാർഷികാഘോഷ പരിപാടിയിൽ പതിനായിരം പേരെ പങ്കെടുപ്പിക്കുവാൻ എൽഡിഎഫ് നിയോജക മണ്ഡലം കമ്മിറ്റി തീരുമാനിച്ചു. എൽഡിഎഫ് ചെയർമാൻ എം.എ. ഷാജി അധ്യക്ഷത വഹിച്ചു. കൺവീനർ ഗിരീഷ് എസ്. നായർ, വി.ജി. ലാൽ, ഷെമീം അഹമ്മദ്, മോഹൻ ചേന്ദംകുളം, എ.എം. മാത്യു ആനിത്തോട്ടം, സണ്ണിക്കുട്ടി അഴകമ്പ്ര, പി.എ. താഹ, ജോബി കേളിയാംപറമ്പിൽ, ഷമീർ ഷാ, റസാഖ്, വർഗീസ്, ജോസ് മടുക്കക്കുഴി, മനോജ് പള്ളിക്കത്തോട് എന്നിവർ പ്രസംഗിച്ചു
