പാറത്തോട് ചിറ ഭാഗത്ത് പഴൂമല റോഡിൽ കലുങ്കിനടിയിൽ ഉപേക്ഷിക്കപ്പെട്ട നിലയിൽ സുബ്രഹ്മണ്യന്റെ കരിങ്കൽ വിഗ്രഹം കണ്ടെത്തി. വിവരമറിഞ്ഞ് കാഞ്ഞിരപ്പള്ളി പോ ലീസ് സ്ഥലത്തെത്തി വിഗ്രഹം കസ്റ്റഡിയിലെടുത്തു. മയിൽ വാഹനത്തോട് കൂടിയ, ഏകദേശം ഒന്നര അടിയോളം ഉയരമുള്ള പുരാതന മാതൃകയിലുള്ള വിഗ്രഹമാണിത്. നാട്ടു കാരാണ് വിഗ്രഹം ആദ്യം കണ്ടത്. തുടർന്ന് പോലീസിൽ വിവരം അറിയിക്കുകയായിരുന്നു.
വിഗ്രഹത്തിന്റെ പഴക്കം, ഉറവിടം എന്നിവ സംബന്ധിച്ച് പോലീസ് അന്വേഷണം ആരംഭിച്ചു. പുരാവസ്തു വകുപ്പിനെയും വിവരം അറിയിച്ചിട്ടുണ്ട്. മോഷ്ടിക്കപ്പെട്ടതാണോ, ഉപേ ക്ഷിക്കപ്പെട്ടതാണോ എന്ന് പരിശോധിച്ച് വരികയാണെന്ന് കാഞ്ഞിരപ്പള്ളി പോലീസ് അറിയിച്ചു.
+ There are no comments
Add yours