ഐക്കണിക്ക് ഇരുചക്ര വാഹന ബ്രാന്‍ഡായ റോയല്‍ എന്‍ഫീല്‍ഡ് അവരുടെ എന്‍ട്രി ലെവലും ഏറ്റവും താങ്ങാനാവുന്നതുമായ മോഡലായ ഹണ്ടര്‍ 350നെ ഇന്ത്യയില്‍ അവതരിപ്പിച്ചത് കഴിഞ്ഞ ഓഗസ്റ്റില്‍ ആണ്. സെപ്റ്റംബറില്‍ 25,571 യൂണിറ്റുകള്‍ വിറ്റഴിച്ച ക്ലാസിക് 350 യുടെ വില്‍പ്പന മറികടക്കാന്‍ ഇനിയും കഴിഞ്ഞിട്ടില്ലെങ്കിലും ഹണ്ടര്‍ 350 യുടെ വില്‍പ്പനയും മികച്ച രീതിയില്‍ മുന്നേറുകയാണെന്നാണ് റിപ്പോര്‍ട്ടുകള്‍. കഴിഞ്ഞ മാസം റോയല്‍ എന്‍ഫീല്‍ഡ് ഹണ്ടര്‍ 350-ന്റെ 17,118 യൂണിറ്റുകള്‍ ആണ് വിറ്റഴിച്ചത്.
ഓഗസ്റ്റില്‍ വിറ്റ 18,197 മോട്ടോര്‍സൈക്കിളുകള്‍ യൂണിറ്റുകളെ അപേക്ഷിച്ച് നേരിയ കുറവാണ്. ക്ലാസിക് 350-ന്റെ ഓഗസ്റ്റിലെ വില്‍പ്പന നമ്പറായ 18,993 യൂണിറ്റുകളില്‍ നിന്ന് ആ സംഖ്യ വളരെ അടുത്തായിരുന്നു എന്നതാണ് ശ്രദ്ധേയം. ഇപ്പോള്‍, അതിന്റെ ഏറ്റവും അടുത്ത എതിരാളിയായ ഹോണ്ട CB350 യുമായി താരതമ്യപ്പെടുത്തുമ്പോള്‍, ഹണ്ടര്‍ 350 വില്‍പ്പനയുടെ കാര്യത്തില്‍ വളരെ മുന്നിലാണ്. ഈ വര്‍ഷം സെപ്റ്റംബറില്‍ 3,980 സിബി350 യൂണിറ്റുകളും ഓഗസ്റ്റില്‍ 3,714 യൂണിറ്റുകളും വില്‍ക്കാന്‍ ഹോണ്ടയ്ക്ക് കഴിഞ്ഞു.
ഹണ്ടര്‍ 350, CB350 എന്നിവയുടെ വില്‍പ്പന തമ്മിലുള്ള കാര്യമായ വ്യത്യാസത്തിന് രണ്ട് കാരണങ്ങളുണ്ടാകാം. ഒന്ന് വിലനിര്‍ണ്ണയം ആകാം. റോയല്‍ എന്‍ഫീല്‍ഡ് ഹണ്ടര്‍ 350 ന്റെ വില 1.49 ലക്ഷം രൂപയില്‍ ആരംഭിക്കുമ്പോള്‍, ഹോണ്ട CB350 യുടെ DLX പതിപ്പിന് രണ്ടു ലക്ഷം രൂപയാണ് വില. ഇന്ത്യയിലെ CB350, CB350RS എന്നിവ റീട്ടെയില്‍ ചെയ്യുന്ന ഹോണ്ട ബിഗ്വിംഗ് ഷോറൂമുകളുമായി താരതമ്യപ്പെടുത്തുമ്പോള്‍ റോയല്‍ എന്‍ഫീല്‍ഡ് വാഗ്ദാനം ചെയ്യുന്ന വിശാലമായ ഡീലറും സേവന ശൃംഖലയുമാണ് മറ്റൊരു കാരണം.
ചെന്നൈ ആസ്ഥാനമായുള്ള രാജ്യത്തെ ഐക്കണിക്ക് ഇരുചക്ര വാഹന ബ്രാന്‍ഡായ റോയല്‍ എന്‍ഫീല്‍ഡ് അടുത്തിടെയാണ് ഹണ്ടര്‍ 350 ബൈക്ക് ഇന്ത്യന്‍ വിപണിയില്‍ അവതരിപ്പിച്ചത്. യഥാക്രമം 1.49 ലക്ഷം, 1.63 ലക്ഷം, 1.68 ലക്ഷം രൂപ വിലയുള്ള റെട്രോ, മെട്രോ, മെട്രോ റെബല്‍ വേരിയന്റുകളിലാണ് ഹണ്ടര്‍ എത്തുന്നത്. നിലവില്‍ റോയല്‍ എന്‍ഫീല്‍ഡില്‍ നിന്നുള്ള ഏറ്റവും താങ്ങാനാവുന്ന ഓഫറാണിത്.
ഫീച്ചറുകളുടെ കാര്യത്തില്‍, റോയല്‍ എന്‍ഫീല്‍ഡ് ഹണ്ടര്‍ 350-ല്‍ ഓള്‍-ഡിജിറ്റല്‍ ഇന്‍സ്ട്രമെന്റ് ക്ലസ്റ്റര്‍, ഡ്യുവല്‍-ചാനല്‍ എബിഎസ്, ട്രിപ്പര്‍ നാവിഗേഷന്‍ എന്നിവ ഓപ്ഷണലായി ഉള്‍പ്പെടുത്തിയിട്ടുണ്ട്. ഇന്റര്‍നാഷണല്‍ മോഡലും ഇന്ത്യ മോഡലും തമ്മിലുള്ള വ്യത്യാസം ഓഫറിലുള്ള വകഭേദങ്ങള്‍ മാത്രമാണ്. സ്റ്റാന്‍ഡേര്‍ഡ് ഇന്‍സ്ട്രുമെന്റേഷനും സ്വിച്ച് ഗിയറും ഉള്ള ഒരു ബേസ്, സ്പോക്ക്-വീല്‍ പതിപ്പ് ഇന്ത്യക്ക് ലഭിക്കുമ്പോള്‍, ഹണ്ടര്‍ അന്താരാഷ്ട്ര തലത്തില്‍ റെട്രോ പതിപ്പില്‍ മാത്രമാണ് വില്‍ക്കുന്നത്. അതിനാല്‍ റിബല്‍, ഡാപ്പര്‍ വേരിയന്റുകള്‍ക്ക് കീഴില്‍ ഇതിന് ആറ് നിറങ്ങള്‍ ലഭിക്കും.
