ഗാ​ന്ധി​ജ​യ​ന്തി ദി​ന​ത്തോ​ട​നു​ബ​ന്ധി​ച്ച് വി​ദ്യാ​ർ​ഥി​ക​ൾ വൃ​ത്തി​യാ​ക്കി​യ കാ​ഞ്ഞി​ര​പ്പ​ള്ളി മി​നി​സി​വി​ൽ​സ്റ്റേ​ഷ​ൻ പ​രി​സ​രം വീ​ണ്ടും മാ​ലി​ന്യ​ക്കൂ​ന്പാ​ര​മാ​യി. വി​ദ്യാ​ർ​ഥി​ക​ൾ​ക്കും​മ​റ്റും മാ​തൃ​ക​യാ​കേ​ണ്ട ഉ​ദ്യോ​ഗ​സ്ഥ​ർ ത​ന്നെ​യാ​ണ് മാ​ലി​ന്യം ത​ള്ളു​ന്ന​തെ​ന്ന വി​രോ​ധാ​ഭാ​സം സി​വി​ൽ​സ്റ്റേ​ഷ​ൻ പ​രി​സ​ര​ത്തു​വ​ന്നാ​ൽ ഏ​വ​ർ​ക്കും കാ​ണാം. ഒ​ക്ടോ​ബ​ർ ര​ണ്ടി​ന് ഗാ​ന്ധി​ജ​യ​ന്തി​ദി​ന​ത്തോ​ട​നു​ബ​ന്ധി​ച്ച് വി​ദ്യാ​ർ​ഥി​ക​ൾ സി​വി​ൽ സ്റ്റേ​ഷ​ന്‍റെ പ​രി​സ​ര​ങ്ങ​ൾ വൃ​ത്തി​യാ​ക്കി​യ​താ​ണ്. എ​ന്നാ​ൽ, ഒ​രു മാ​സം ക​ഴി​ഞ്ഞ​പ്പോ​ൾ വീ​ണ്ടും ഇ​വി​ടെ മാ​ലി​ന്യ​ങ്ങ​ൾ കു​മി​ഞ്ഞുകൂ​ടി​യി​രി​ക്കു​ക​യാ​ണ്. സി​വി​ൽ സ്റ്റേ​ഷ​നി​ലെ വി​വി​ധ സ​ർ​ക്കാ​ർ ഓ​ഫീ​സു​ക​ളി​ൽ നി​ന്നു​ള്ള മാ​ലി​ന്യ​ങ്ങ​ളാ​ണ് വ​ള​പ്പി​ൽ ത​ന്നെ ഇ​വി​ടെ കൂ​ട്ടി​യി​ട്ടി​രി​ക്കു​ന്ന​ത്. പേ​പ്പ​റു​ക​ളും പ്ലാ​സ്റ്റി​ക്ക് കൂ​ടു​ക​ളും ഭ​ക്ഷ​ണ മാ​ലി​ന്യ​ങ്ങ​ളും എ​ല്ലാം ഇ​തി​ലു​ൾ​പ്പെ​ടും.

സി​വി​ൽ സ്റ്റേ​ഷ​നി​ലെ വി​വി​ധ സ​ർ​ക്കാ​ർ ഓ​ഫീ​സു​ക​ളി​ൽ നി​ന്നു​ള്ള മാ​ലി​ന്യ​ങ്ങ​ളാ​ണ് വ​ള​പ്പി​ൽത​ന്നെ കൂ​ട്ടി​യി​ട്ടി​രി​ക്കു​ന്ന​ത്. എ​സ്ബി​ഐ ബാ​ങ്കി​ന് സ​മീ​പ​മു​ള്ള ക​വാ​ട​ത്തി​നോ​ട് ചേ​ർ​ന്നാ​ണ് മി​നി സി​വി​ൽ സ്റ്റേ​ഷ​ൻ വ​ള​പ്പി​ൽ മാ​ലി​ന്യ​ങ്ങ​ൾ കു​ന്നു​കൂ​ടി കി​ട​ക്കു​ന്ന​ത്. മാ​തൃ​ക​യാ​കേ​ണ്ട അ​ധി​കൃ​ത​ർ ത​ന്നെ താ​ലൂ​ക്കി​ലെ ഭ​ര​ണ സി​രാ കേ​ന്ദ്ര​മാ​യ മി​നി സി​വി​ൽ സ്റ്റേ​ഷ​ൻ വ​ള​പ്പി​ൽ ഇ​ത്ത​ര​ത്തി​ൽ അ​ല​ക്ഷ്യ​മാ​യി മാ​ലി​ന്യ​ങ്ങ​ൾ ത​ള്ളി​യി​രി​ക്കു​ന്ന​ത് എ​ന്ന​താ​ണ് വി​രോ​ധാ​ഭാ​സം. വി​ല്ലേ​ജോ​ഫീ​സി​നോ​ട് ചേ​ർ​ന്നാ​ണ് മാ​ലി​ന്യ​ങ്ങ​ൾ നി​ക്ഷേ​പി​ച്ചി​രി​ക്കു​ന്ന​ത് എ​ന്ന​തു കൊ​ണ്ട് ത​ന്നെ ദു​ർ​ഗ​ന്ധം സ​ഹി​ച്ച് ക​ഴി​യേ​ണ്ട ഗ​തി​കേ​ടി​ലാ​ണ് ഇ​വി​ടത്തെ ജീ​വ​ന​ക്കാ​ർ.

നേ​ര​ത്തെ മാ​ലി​ന്യ​ങ്ങ​ൾ ഇ​വി​ടെ കൂ​ട്ടി​യി​ട്ട് ക​ത്തി​ക്കു​ന്ന​ത് പ​തി​വ് സം​ഭ​വ​മാ​യി​രു​ന്നു. എ​ന്നാ​ൽ, ഇ​ത് വി​ല​ക്കി​യ​തോ​ടെ ക​ത്തി​ക്കു​ന്ന​ത് നി​ർ​ത്തി​യെ​ങ്കി​ലും മാ​ലി​ന്യ നി​ക്ഷേ​പം യ​ഥേ​ഷ്ടം തു​ട​ർ​ന്നു. സി​വി​ൽ സ്റ്റേ​ഷ​ൻ വ​ള​പ്പി​ൽ മാ​ലി​ന്യ​ങ്ങ​ൾ ത​ള്ളു​വാ​ൻ പാ​ടി​ല്ലെന്ന് ത​ഹ​സി​ൽ​ദാ​ർ ഓ​രോ സ്ഥാ​പ​ന മേ​ല​ധി​കാ​രി​ക​ൾ​ക്കും മു​ന്ന​റി​യി​പ്പ് ന​ൽ​കി​യെ​ങ്കി​ലും ഫ​ലം കാ​ണാ​ത്ത സ്ഥി​തി​യാ​ണ് നി​ല​വി​ലു​ള്ള​ത്.