കാഞ്ഞിരപ്പള്ളി: തന്പലക്കാട് എംഎൻ ലിങ്ക് റോഡിന് ബ്ലോക്ക് – ഗ്രാമപഞ്ചായത്തുകളുടെ 201718 വാർഷിക പദ്ധതിയിൽപെടുത്തി നവീകരണ പ്രവർത്തനങ്ങൾക്ക് തുടക്കമായി. നാളുകളായി പൊട്ടിപ്പൊളിഞ്ഞ് കിടന്ന റോഡ് റീടാർ ചെയ്യുന്നതിന് കാഞ്ഞിരപ്പള്ളി ബ്ലോക്ക് പഞ്ചായത്തിൽ നിന്നും മൂന്നു ലക്ഷം രൂപയും, റോഡ് വീതി കൂട്ടി കോണ്ക്രീറ്റ് ചെയ്യുന്നതിന് ഗ്രാമപഞ്ചായത്തിൽ നിന്നും രണ്ടു ലക്ഷം രൂപയുമാണു ചെലവിടുന്നത്.
പദ്ധതിയുടെ നിർമാണോദ്ഘാടനം പഞ്ചായത്ത് പ്രസിഡന്റ് ഷക്കീലാ നസീറും ജില്ലാ പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ സെബാസ്റ്റ്യൻ കുളത്തുങ്കലും സംയുക്തമായി നിർവഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ജോളി മടുക്കകുഴി അധ്യക്ഷത വഹിച്ച യോഗത്തിൽ മുൻ പഞ്ചായത്ത് പ്രസിഡന്റ് ബേബി വട്ടക്കാടൻ, രാജു തേക്കുംതോട്ടം, ജോർജ് കൊട്ടാരം, പ്രിൻസ് തേക്കുംതോട്ടം, ആൽബിൻ പേണ്ടാനം, ആന്‍റണി കുറ്റിക്കാട്ട്, കുട്ടിച്ചൻ കാരിക്കാട്ട്, അപ്പച്ചൻ വട്ടക്കാട്ട്, കുഞ്ഞൂഞ്ഞ് താന്നിക്കത്തൊട്ടി, കുര്യൻ കുത്തവളച്ചേൽ, ബിന്നി അംബിയിൽ, ജോർജ് കിഴക്കേതലക്കൽ തുടങ്ങിയവർ പ്രസംഗിച്ചു.
