മുണ്ടക്കയം: ബിരുദവും വിദ്യാഭ്യാസവുമല്ല മനുഷ്യനിൽ വേണ്ടത് നന്മയാണെന്ന് തിരുവല്ല ആർച്ച് ബിഷപ് തോമസ് മാർ കൂറിലോസ്. മുണ്ടക്കയം സെന്റ് ജോസഫ് സെൻട്രൽ സ്കൂളിന്‍റെ 37-ാമത് വാർഷികം ശുഭോദയ – 18 ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. കലാപരിപാടികളുടെ ഉദ്ഘാടനം മിമിക്രി താരം ഹസീബ് പൂനൂർ നിർവഹിച്ചു.
അംബേദ്കർ ദേശീയ പുരസ്കാര ജേതാവ് നൗഷാദ് വെംബ്ലിയെ സമ്മേളനത്തിൽ ആദരിച്ചു. പഞ്ചായത് പ്രസിഡന്റ് കെ.എസ്. രാജു, ജിജി നിക്കോളാസ്, ഡയസ് കോക്കാട്ട് , ഫാ. മാത്യു തുണ്ടിയിൽ, ഫാ. ഫിലിപ്പ് മഞ്ചാടിയിൽ, സെലിൻ വി ദാനിയേൽ എന്നിവർ പ്രസംഗിച്ചു. കുട്ടികൾ സമാഹരിച്ച ഓഖി ദുരിതാശ്വാസ ഫണ്ട് കൈമാറ്റവും കുട്ടികളുടെ വിവിധ കലാ പരിപാടികളും നടന്നു.
