കേരള സർക്കാരിൻ്റെ ലഹരി വിരുദ്ധ ബോധവത്കരണ പ്രവർത്തനങ്ങളുടെ ഭാഗമായി കോട്ടയത്തു ജില്ലാ ഭരണകൂടം സംഘടിപ്പിച്ച ലഹരിയില്ലാ തെരുവ് പരിപാടിയിൽ കോളേജ് തല മൈം മത്സരത്തിൽ സെൻ്റ് ഡൊമിനിക്സ് കോളേജിനെ പ്രതിനിധീകരിച്ച നാഷണൽ സർവീസ് സ്കീം വോളൻ്റിയേഴ്സിന് ഒന്നാം സമ്മാനം ലഭിച്ചു.
സ്കൂൾ വിഭാഗത്തിൽ കോട്ടയം മൗണ്ട് കാർമൽ സ്കൂൾ ഒന്നാം സ്ഥാനം നേടി. സ്കൂൾ വിഭാഗത്തിൽ കോരുത്തോട് സികെഎം എച്ച്എസ്എസ് രണ്ടാം സ്ഥാനവും കാരാപ്പുഴ എൻഎസ്എസ്, കോട്ടയം ഹോളി ഫാമിലി എന്നീ സ്കൂളുകൾ മൂന്നാം സ്ഥാനവും നേടി.
കോളജ് വിഭാഗത്തിൽ ആർപ്പൂക്കര സിപാസ് കോളജ് ഓഫ് ടീച്ചർ എഡ്യൂക്കേഷൻ രണ്ടാംസ്ഥാനം നേടി. കോട്ടയം ബസേലിയസ് കോളജും എരുമേലി എംഇഎസ് കോളജും മൂന്നാം സ്ഥാനം നേടി. വിജയികൾക്ക് കാഷ് പ്രൈസും ഫലകവും സർട്ടിഫിക്കറ്റും സമ്മാനമായി ലഭിക്കും.