കാഞ്ഞിരപ്പള്ളി:നൂറ്റാണ്ടുകളായി സമാധാനവും സൗഹൃദവും നിലനിര്ത്തി ജാതിഭേദമന്യേ നടന്നിരുന്ന ശബരിമല തീർഥാടനകാലം ഇത്രയും വേദനാജനകമാക്കിയതിനു പിന്നില് എല്ഡിഎഫും ബിജെപിയും തുല്യ പങ്കാളികളാണെന്ന് ഡോ. എന്. ജയരാജ് എംഎൽഎ. യൂത്ത് ഫ്രണ്ട്- എം ചിറക്കടവ് മണ്ഡലം കണ്വന്ഷന് ഉദ്ഘാടനം ചെയ്തു പ്രസംഗിക്കുകയായിരുന്നു എംഎൽഎ.
കോടതിവിധി സമയബന്ധിതമായി നടപ്പിലാക്കണമെന്ന് സൂചന ഇല്ലാത്ത സാഹചര്യത്തില് അമിത വേഗത്തില് കോടതി വിധി നടപ്പിലാക്കാന് ശ്രമിച്ച കേരള സര്ക്കാരിന്റെ നിലപാടും കോടതി വിധിയെ മറികടക്കാന് ആത്മാര്ഥമായ ആഗ്രഹം ഉണ്ടായിരുന്നു എങ്കില് നിയമ നിർമാണം നടത്തുവാന് അധികാരമുള്ള കേന്ദ്രഗവണ്മെന്റ് സമയബന്ധിതമായി ഒന്നിനും തയാറാകാതിരുന്നതുമാണ് ശബരമല വിഷയം വഷളാക്കിയതെന്ന് എംഎല്എ പറഞ്ഞു.ചിറക്കടവ് മണ്ഡലം പ്രസിഡന്റ് ലാജി തോമസ് അധ്യക്ഷത വഹിച്ചു.
സുമേഷ് ആന്ഡ്രൂസ്, ഷാജി നല്ലേപ്പറമ്പില്, രാഹുല് ബി.പിള്ള, ശ്രീകാന്ത് എസ്.ബാബു, ജോര്ജുകുട്ടി പൂതക്കുഴി, റോയി പന്തിരുവേലില്, സോണി ഇടയ്ക്കലാട്ട് ,അബ്ദുള് റഹ്മാന്, പി.എം. ജോണ് പന്തിരുവേലില്, സ്മിതാലാല്, മോളി തോമസ് , ജോബി ഈപ്പന്, അഗസ്റ്റിന് കെ.ജെ., റ്റോമി ഡൊമിനിക്, അലന് മാത്യു പോള്, മാത്തുക്കുട്ടി പൂവത്താനിക്കുന്നേല്, ജോയല് വായൂമറ്റം എന്നിവര് പ്രസംഗിച്ചു.