കണമല :സ്വകാര്യ ബസിടിച്ച് കാൽനടയാത്രക്കാരൻ മരിച്ചു. ഇന്നലെ രാത്രി 7.40 നു കണമല ഫോറസ്റ്റ് ചെക്ക് പോസ്റ്റിന് സമീപമാണ് അപകടമുണ്ടായത്. വടശേരിക്കര സ്വദേശിയും കണമല, തുലാപ്പള്ളി പ്രദേശങ്ങളിൽ ഹോട്ടൽ തൊഴിലാളിയുമായ തേവർകാട്ടിൽ അശോകൻ (61) ആണ് മരിച്ചത്.
തുലാപ്പള്ളിയിലേക്ക് യാത്രക്കാരുമായി പോവുകയായിരുന്ന സ്വകാര്യ ബസ് റോഡിൽക്കൂടി നടന്നുപോവുകയായിരുന്ന അശോകനെ ഇടിക്കുകയായിരുന്നെന്ന് പറയുന്നു. തൽക്ഷണം മരണം സംഭവിച്ചു. ഉടൻ തന്നെ ബസ് ജീവനക്കാർ ഇറങ്ങിയോടിയെന്ന് നാട്ടുകാർ പറയുന്നു. മൃതദേഹം മുക്കൂട്ടുതറയിലെ സ്വകാര്യ ആശുപത്രിയിൽ.
