പാലാ പൊൻകുന്നം റൂട്ടിൽ പൂവരണി പള്ളിക്കു സമീപം നടന്ന വാഹന അപകടത്തി ൽ രണ്ട് പേർ മരിച്ചു. ഉപ്പുതറ കൊച്ചുചെരുവിൽ സന്ദീപ് (31), നരിയംപാറ ഉറുന്പിയിൽ വിഷ്ണു വിജയൻ (26) എന്നിവരാണ് മരിച്ചത്. ഒപ്പമുണ്ടായിരുന്ന കാർ യാത്രികന് ഗു രുതര പരിക്കേറ്റു.കാറിലുണ്ടായിരുന്ന ലിജു(29) കോട്ടയം മെഡിക്കൽ കോളജ് ആശുപത്രിയിൽ ചികിത്സയിലാണ്.
രാവിലെ എട്ടരയോടെയാണ് അപകടമുണ്ടായത്.പൊന്കുന്നത്തേക് കു പോയ ലോറി യും കട്ടപ്പനയിൽ നിന്നും വന്ന മാരുതി കാറും തമ്മിലാണ് കൂട്ടിയിടിച്ച് അപകടമു ണ്ടായത്. ഇൻഡസ് മോട്ടോഴ്സിലെ ജീവനക്കാരാണ് മൂവരും. തലയോലപ്പറന്പിലേക്കു പോകുന്പോഴാണ് ഇവർ സഞ്ചരിച്ചിരുന്ന കാർ അപകടത്തിൽ പെട്ടത്.നാട്ടുകാരും ഫയർഫോഴ്സും ചേർന്ന് ഇവരെ കാറിൽ നിന്നും പുറത്തെടുത്ത് ആദ്യം പാലാ ജനറൽ ആശുപത്രിയിലും പിന്നീട് കോട്ടയം മെഡിക്കൽ കോളജ് ആശുപത്രിയിലും എത്തിക്കുകയായിരുന്നു.സംഭവ സ്ഥലത്തുവെച്ചു തന്നെ സന്ദീപും മെഡിക്കൽ കോളജിലെത്തിയതിനു ശേഷം വിഷ്ണുവും മരിച്ചു. അപകടത്തിൽ കാറിന്റെ മുൻവശം പൂർണമായും തകർന്നു.