മതവിദ്വേഷം ജനിപ്പിക്കുന്ന രീതിയിലാണ് പ്രസംഗത്തിലെ പരാമര്‍ശമെന്നു ചിലര്‍ പ രാതിപ്പെട്ടതിനെത്തുടര്‍ന്നു തിരുവനന്തപുരത്തുനിന്നു പോലീസ് ഈരാറ്റുപേട്ടയിലെ ത്തി പി.സി.ജോര്‍ജിനെ അറസ്റ്റ് ചെയ്തു കൊണ്ടുപോവുകയായിരുന്നു. എന്നാല്‍, കോട തിയില്‍ ഹാജരാക്കിയപ്പോള്‍ നിബന്ധനകളോടെ ആദ്ദേഹത്തിനു ജാമ്യം അനുവദിച്ചു. കുറ്റം ആവര്‍ത്തിക്കരുതെന്നു ജാമ്യ വ്യവസ്ഥയില്‍ ഉണ്ടായിരുന്നു. എന്നാല്‍, പിന്നീട് വെണ്ണലയില്‍ നടന്ന സമ്മേളനത്തില്‍ ജോര്‍ജ് നടത്തിയ പ്രസംഗം വീണ്ടും പരാതിക്ക് ഇടയാക്കി. ഈ പ്രസംഗത്തിനെതിരേയും പരാതി ഉയര്‍ന്നതോടെ ജാമ്യം റദ്ദാക്കണമെ ന്നാവശ്യപ്പെട്ടു പ്രോസിക്യൂഷന്‍ കോടതിയെ സമീപിക്കുകയായിരുന്നു. ജാമ്യ വ്യവ സ്ഥ ലംഘിച്ചെന്ന പ്രോസിക്യൂഷന്റെ വാദം അംഗീകരിച്ചാണ് ഇപ്പോള്‍ ജാമ്യം റദ്ദാക്കി യത്.
ഇതിനിടെ, വെണ്ണലയിലെ പ്രസംഗത്തിനെതിരേയുള്ള കേസില്‍ പി.സി.ജോര്‍ജ് ന ല്‍കിയ ജാമ്യ ഹര്‍ജി ഹൈക്കോടതിയുടെ പരിഗണനയിലാണ്. ഈ കേസില്‍ ഇടക്കാല ജാമ്യം ജോര്‍ജിനു ലഭിച്ചിരുന്നു. ഇതിനിടെ, ജോര്‍ജിനെ അറസ്റ്റ് ചെയ്യണമെന്നാവ ശ്യ പ്പെട്ടു പാലാരിവട്ടം പോലീസ് സ്റ്റേഷനു മുന്നില്‍ പിഡിപി പ്രവര്‍ത്തകര്‍ പ്രതിഷേധി ച്ചു. ഇവരെ പോലീസ് അറസ്റ്റ് ചെയ്തു നീക്കി.
