ദേശീയപാതയിൽ പൊൻകുന്നത്തും കാഞ്ഞിരപ്പള്ളിയിലും പന്തലൊരുക്കി പോലീസ്. ഇരുവശത്തുകൂടെയും വാഹനങ്ങൾക്കു കടന്നുപോകാനാകും വിധമാണിത്.വാഹനങ്ങളിലെത്തുന്നവരുടെ ആവശ്യങ്ങൾ ബോധ്യപ്പെട്ട് കടത്തിവിടാൻ പോലീസ് ഇതുവരെ റോഡിന് നടുവിൽ ഇറങ്ങിനിൽക്കണമായിരുന്നു. ഇനി പന്തലിന്റെ തണലിലാകും പോലീസിന്റെ പരിശോധനയും ബോധവത്കരണപ്രവർത്തനങ്ങളും.
കേരള ഹയർ വുഡ്സ് ഓണേഴ്സ് അസോസിയേഷനാണ് സൗജന്യ നിരക്കിൽ പോലീസി ന് പകോഡ വിധത്തിലുള്ള പന്തൽ ഇട്ട് നൽകിയിരിക്കുന്നത്. കോട്ടയം ജില്ലയിൽ തന്നെ ഇത്തരത്തിൽ 50 ൽ പരം പന്തലുകളാണ് ഇവർ ഒരുക്കി നൽകിയിരിക്കുന്നത്.