കാഞ്ഞിരപ്പള്ളി: ഡിവൈഎഫ്ഐ പൊൻകുന്നം മേഖലാ കമ്മറ്റിയുടെ നേതൃത്വത്തിൽ ജനറൽ ആശുപത്രിയിലേക്കു മാർച്ചും ധർണയും നടത്തി. ആശുപത്രിയിലെ എക്‌സ്റേ യൂണിറ്റ് 24 മണിക്കൂറും പ്രവർത്തിപ്പിക്കുക, ആംബുലൻസ് സൗകര്യം എർപ്പെടുത്തുക, മുടങ്ങിക്കിടക്കുന്ന പുതിയ കെട്ടിടത്തിന്‍റെ നിർമാണം പൂർത്തിയാക്കുക, ഒപി സമയത്ത് ഡോക്ടർമാരുടെ സേവനം നിർബന്ധമാക്കുക തുടങ്ങിയ ആവശ്യങ്ങൾ ഉന്നയിച്ചാണു മാർച്ച് നടത്തിയത്.
കുന്നുംഭാഗത്തുനിന്ന് ആരംഭിച്ച മാർച്ച് ആശുപത്രിപടിക്കൽ പോലീസ് തടഞ്ഞു. വാഴൂർ ഏരിയ സെക്രട്ടറി വി.ജി. ലാൽ ധർണ ഉദ്ഘാടനം ചെയ്തു. മേഖലാ പ്രസിഡന്റ് എസ്. ദീപു അധ്യക്ഷത വഹിച്ചു. ലോക്കൽ സെക്രട്ടറി എസ്. സേതുനാഥ്, മേഖലാ സെക്രട്ടറി ബി. ഗൗതം സുരേഷ് കുമാർ, എം.എം വിശാന്ത്, ബിബിൻ സെബാസ്റ്റ്യൻ, ബാബു, ആരുൺ ബേബി തുടങ്ങിയവർ നേതൃത്വം നൽകി.
