കാഞ്ഞിരപ്പള്ളി: വോളിബോള് ഫെഡറേഷന് ഓഫ് ഇന്ത്യ 15 വരെ മഹാരാഷ്ട്രയില് നടത്തുന്ന 38ാമത് അണ്ടര് 21 ദേശീയ യൂത്ത് വോളിബോള് ചാന്പ്യന്ഷിപ്പില് കേരളത്തിനു വേണ്ടി കളിക്കാന് മാഹിന് അഷ്റഫും. കാഞ്ഞിരപ്പള്ളി പട്ടിമറ്റം മടുക്കോലിപ്പറമ്പില് എം.എ. അഷ്റഫ് – ഷാജിത ദമ്പതികളുടെ മകനും അരുവിത്തുറ സെന്റ് ജോര്ജ് കോളജിലെ ഒന്നാം വര്ഷ ബിഎ ഇക്കണോമികസ് വിദ്യാര്ഥിയുമായ മാഹിന് അഷ്റഫാണ് കേരള ടീമിലേക്കു വീണ്ടും തെരഞ്ഞെടുക്കപ്പെട്ടത്.
ഉത്തരാഖണ്ഡില് നടന്ന 37ാമത് ദേശീയ യൂത്ത് വോളിബോള് ചാംപ്യന്ഷിപ്പിലും മാഹിന് കേരള ടീമില് കളിച്ചിരുന്നു. സ്പോര്ട്സ് കൗണ്സില് പരിശീലകന് ജോബി തോമസിന്റെ കീഴിലാണ് പരിശീലിക്കുന്നത്. ഇപ്പോള് കോഴിക്കോട് പരിശീലനത്തിലാണ്. എട്ടാം ക്ലാസ് മുതല് സ്കൂള് ടീമില് അംഗമായിരുന്നു. വടവാതൂര് ഗിരിദീപം സ്കൂളില് പത്താംക്ലാസ് വിദ്യാര്ഥിയായിരിക്കെ സംസ്ഥാന സ്കൂള് തല മത്സരത്തില് കേരളത്തിനു വേണ്ടി കളിച്ചിരുന്നു. ഐഷ, ആജ എന്നിവരാണ് സഹോദരങ്ങൾ.