കൊല്ലമുള: ലിറ്റിൽഫ്ളവർ സ്കൂളിന്റെ രജതജൂബിലി സ്മാരകമായി നിർധന കുടുംബങ്ങൾക്കു നിർമിച്ചു നൽകുന്ന ഭവനങ്ങളിൽ ആദ്യത്തേതിന്റെ വെഞ്ചെരിപ്പു നടത്തി.പ്രളയക്കെടുതിയിൽ അകപ്പെട്ട സംസ്ഥാനജനതയുടെ പൊതുനിലപാടുകളോട് ഐക്യദാർഢ്യം പ്രകടിപ്പിച്ച് സ്കൂളിന്റെ ജൂബിലിയാഘോഷം ഉൾപ്പെടെ എല്ലാ ആഘോഷ പരിപാടികളും ഉപേക്ഷിച്ചാണ് ഭവനനിർമാണ പദ്ധതി ആവിഷ്കരിച്ചത്.
ചടങ്ങിൽ പ്രിൻസിപ്പൽ ഫാ. സോജി ചെറുശേരിൽ, സ്കൂൾ അഡ്മിനിസ്ട്രേറ്റർ ഫാ. ജോയിസ് ആറ്റുചാലിൽ, പിടിഎ പ്രസിഡന്റ് സിജോ ജോസ് മടുക്കക്കുഴി, പിടിഎ, അധ്യാപക, വിദ്യാർഥി പ്രതിനിധികൾ പങ്കെടുത്തു.