കാഞ്ഞിരപ്പള്ളി: നിര്‍ധനരായ വൃക്ക രോഗികള്‍ക്ക് ധനസഹായം നല്‍കുന്നതിന് കാഞ്ഞിരപ്പള്ളി വൈഎംസിഎയും 26ാം മൈല്‍ മേരി ക്വീന്‍സ് ആശുപത്രിയുമായി സഹകരിച്ച് നടപ്പിലാക്കുന്ന കൈത്താങ്ങ് പദ്ധതി വൈഎംസിഎ നാഷണല്‍ പ്രസിഡന്റ് ഡോ. ലെബി ഫിലിപ്പ് മാത്യു ഉദ്ഘാടനം ചെയ്തു.
പ്രസിഡന്റ് ഡോ. ജയിംസ് മാത്യുവിന്‍റെ അധ്യക്ഷതയില്‍ കൂടിയ യോഗത്തില്‍ 20 വൃക്ക രോഗികള്‍ക്കുള്ള ധനസഹായം വിതരണം ചെയ്തു. 20 രോഗികള്‍ക്ക് 1500 രൂപ വീതം നല്‍കി.
യോഗത്തില്‍ മേരിക്വീന്‍സ് മിഷന്‍ ഹോസ്പിറ്റല്‍ ഡയറക്ടര്‍ ഫാ. സന്തോഷ് മാത്തന്‍കുന്നേല്‍ സിഎംഐ, എകെജെഎം സ്‌കൂള്‍ മാനേജര്‍ ഫാ. ജോസഫ് ഇടശേരി എസ്ജെ, ചെന്നൈ വൈഎംസിഎ കോളജ് ഡയറക്ടര്‍ ബോര്‍ഡംഗം ഒ.വി. ജോസഫ്, സെക്രട്ടറി ജോയി മുണ്ടാമ്പള്ളി, ട്രഷറര്‍ എ.സി. ജോസഫ് അഴകത്ത്, വൈസ് പ്രസിഡന്റ് മാത്യു സഖറിയാസ് എന്നിവര്‍ പ്രസംഗിച്ചു.
