കാഞ്ഞിരപ്പള്ളി: കാഞ്ഞിരപ്പള്ളി രൂപതയിലെ മുതിര്ന്ന വൈദികനായ ഫാ. ജോസ് തെക്കേലിന്റെ പൗരോഹിത്യ സുവര്ണ ജൂബിലി ആഘോഷ സമാപനം വഞ്ചിമല സെന്റ് ആന്റണീസ് പള്ളിയില് നടന്നു.ജൂബിലേറിയന്റെ കാർമികത്വത്തിൽ നടന്ന കൃതജ്ഞതാബലിക്ക് വികാരി ജനറാൾ ഫാ. ജസ്റ്റിൻ പഴേപറന്പിൽ, ഫാ. ആന്റണി ഉരുളിയാനിക്കൽ, ഫാ. ജോസ് ആലഞ്ചേരി, ഫാ. തോമസ് ഞാറയ്ക്കൽ, ഫാ. സെബാസ്റ്റ്യൻ കിളിരൂപറന്പിൽ, ഫാ. റോബിൻ തെക്കേൽ എന്നിവർ സഹകാർമികത്വം വഹിച്ചു. രൂപതാധ്യക്ഷന് മാര് മാത്യു അറയ്ക്കല് വചനസന്ദേശം നല്കി.
തുടര്ന്ന് നടന്ന സമ്മേളനത്തില് രൂപത വികാരി ജനറാൾ റവ. ഡോ. കുര്യൻ താമരശേരി അധ്യക്ഷത വഹിച്ചു. ഡോ. എൻ. ജയരാജ് എംഎല്എ ജൂബിലി സമാപന സമ്മേളനം ഉദ്ഘാടനം ചെയ്തു. വികാരി ജനറാൾ ഫാ. ജോർജ് ആലുങ്കൽ അനുഗ്രഹപ്രഭാഷണം നടത്തി. സീറോ മലബാർ സഭ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരിയുടെ സന്ദേശം വികാരി ജനറാൾ ഫാ. ജസ്റ്റിൻ പഴേപറന്പിൽ വായിച്ചു.
വഞ്ചിമല സെന്റ് ആന്റണീസ് പള്ളി വികാരി റവ.ഡോ. സേവ്യര് കൊച്ചുപറമ്പിൽ, ഫാ. ജോർജ് കൂടത്തിൽ, ഫാ. റോബിൻ തെക്കേൽ, ജോയി വെട്ടിക്കുഴി, ടി.സി. മാത്യു പള്ളിക്കുന്നേൽ, സിസ്റ്റർ റെയ്ഞ്ചൽ വെള്ളക്കട എസ്എബിഎസ് എന്നിവർ പ്രസംഗിച്ചു. രൂപതയിലെ വൈദികരും വിവിധ സന്യസ്തരും ഇടവക ജനങ്ങളും രൂപതയിലെ വിവിധ ഇടവകയിലെ അല്മായരും സന്നിഹിതരായിരുന്നു.