അടിയന്തിര ആശ്വാസ നടപടികള്‍ പോലും റവന്യു വകുപ്പോ ദേവസ്വം ബോര്‍ഡോ ചെയ്യാന്‍ തയ്യാറായില്ലയെന്നു മാത്രമല്ല വില്ലേജ് ആഫീസുകള്‍ കയറി മടുത്തിരിക്കുകയാണിവര്‍. കാല്‍നടയായും പരസഹായത്തിലും ദുരിതാശ്വാസ തുകക്കായി മിക്ക ദിവസങ്ങളിലും പഞ്ചായത്തിലും വില്ലേജിലും കയറിയിറങ്ങുന്ന വൃദ്ധ ദമ്പതികള്‍ക്കു നിരാശ മാത്രമാണ് ഫലം. വീട്ടിലുണ്ടായിരുന്ന അലമാര, ടെലിവിഷന്‍ ,കസേരകള്‍, മേശ എന്നുവേണ്ട എല്ലാ ഉപകരണങ്ങളും അന്ന് നശിച്ചിരുന്നു.പിന്നീട് സുരക്ഷിതമായി വീട്ടില്‍ സൂക്ഷിച്ച ഉടുതുണികള്‍ പോലും മഴയില്‍ നശിച്ചു. ആല്‍മരം വീണ് സരോജിനിയുടെ തലയില്‍ പത്തോളം തുന്നലിട്ടു. പിന്നീട് സ്‌കാനിങ്ങും മറ്റും നടത്തിയെങ്കിലും ഇപ്പോഴും തുടര്‍ ചികില്‍സയ്ക്കു പോലും കഴിയാതെ ബുദ്ധിമുട്ട് അനുഭവിക്കുകയാണിവര്‍.
ആരോടു പറയും ഇനി എന്തു ചെയ്യും ഒന്നുമറിയാതെ കണ്ണീരൊഴുക്കുകയാണ് ഈ അച്ചനമ്മമാര്‍.
ഞായറാഴ്ച പെയ്തു തുടങ്ങിയ ശമനമില്ലാത്ത മഴ രാത്രി വൈകിയും തുടരുമ്പോഴും ദുരുന്തം കണ്‍മുന്നില്‍ കണ്ടു മെഴുകുതിരി വെളിച്ചത്തില്‍ കാത്തിരിക്കുകയാണ് ഈ വൃദ്ധ ദമ്പതികള്‍.
