ചെക്ക് ഡാമില്‍ കുളിക്കാനിറങ്ങിയ വിദ്യാര്‍ത്ഥി മുങ്ങി മരിച്ചു.
മുണ്ടക്കയം കരിനിലം കാരപ്ലാക്കല്‍ മനോജ്-ഷിജി ദമ്പതികളുടെ മകന്‍ ശ്രീഹരി(ഹരികുട്ടന്‍-13) ആണ് മുണ്ടക്കയം, ചാച്ചിക്കവല പഞ്ചായത്തു വക ചെക്ക് ഡാമില്‍ മുങ്ങിമരിച്ചത്. വെളളിയാഴ്ച ഉച്ചകഴിഞ്ഞ് 3മണിയോടെ യാണ് സംഭവം. മുണ്ടക്കയം സെന്റ് ജോസഫ് സെന്‍ട്രല്‍ സ്‌കൂളില്‍ എട്ടാംക്ലാസ് വിദ്യാര്‍ത്ഥിയാണ് ശ്രീഹരി. സ്‌പെഷ്യല്‍ ക്ലാസ് കഴിഞ്ഞ് വെളളിയാഴ്ച 2.30നു സ്‌കൂളില്‍ നിന്നും വീട്ടിലേക്കു പോയ ശ്രിഹരിയും കൂട്ടുകാരും ചെക്കു ഡാമില്‍ കുളിക്കാന്‍പോവുകയായിരുന്നു. കൂട്ടുകാരുമൊത്തു കുളിക്കുന്നതിനിടയില്‍ ചെക്കുഡാമിന്റെ അടിയില്‍ കുടുങ്ങുകയായിരുന്നു. സഹപാഠികളും ആറ്റില്‍ ഉണ്ടായിരുന്ന സ്ത്രികളും ബഹളം വച്ചതോടെ സമീപവാസികള്‍ ഓടിയെത്തി രക്ഷാ പ്രവര്‍ത്തനം നടത്തിയെങ്കിലും ജീവന്‍ രക്ഷിക്കാനായില്ല.മൃതദേഹം ഇന്‍ക്വസ്റ്റിനു ശേഷം കാഞ്ഞിരപ്പളളി ജനറല്‍ ആശുപത്രിയില്‍ മോര്‍ച്ചറിയില്‍ സൂക്ഷിച്ചിരിക്കുകയാണ്. സെന്റ് ജോസഫ് സെന്‍ട്രല്‍ സ്‌കൂളില്‍ മൂന്നാം ക്ലാസ് വിദ്യാര്‍ത്ഥിയായ ശ്രിനന്ദ് (കണ്ണന്‍) ഏക സഹോദരനാണ്.
സംസ്‌കാരം ഞായറാഴ്ച നടക്കും.
