രാഷ്ട്രീയ അക്രമങ്ങളുടെ പശ്ചാത്തലത്തിൽ ചിറക്കടവ് പഞ്ചായത്തിൽ വിന്യസിച്ച പോലീസിനെ ഘട്ടംഘട്ടമായി പിൻവലിക്കുമെന്ന് ജില്ലാ പോലീസ് ചീഫ് ആർ. ഹരിശങ്കർ. പഞ്ചായത്ത് പരിധിയിൽ ഒരു മാസത്തെ നിരോധനാജ്ഞ അവസാനിപ്പിച്ചെങ്കിലും പോലീസിനെ പിൻവലിച്ചിട്ടില്ല. ചിറക്കടവ്, തെക്കേത്തുകവല, മണ്ണംപ്ലാവ്, ചെറുവള്ളി എന്നിവിടങ്ങളിൽ പോലീസ് ടീം ക്യാന്പ് ചെയ്യുന്നുണ്ട്.
വാഹന പരിശോധനയിൽ ഇളവും രണ്ടിടങ്ങളിലെ പോലീസ് വിന്യാസവും വൈകാതെ പിൻവലിക്കും. അൻപതു പോലീസുകാർ ഇപ്പോഴും സ്ഥലത്ത് ക്യാന്പുചെയ്യുകയാണ്. ഡിജിപി ലോക്നാഥ് ബഹ്റ കഴിഞ്ഞ ദിവസം കോട്ടയത്തെത്തി ചിറക്കടവിലെ സാഹചര്യങ്ങൾ ചർച്ച ചെയ്തിരുന്നു.
പഞ്ചായത്തിലെ വിവിധ കേന്ദ്രങ്ങളിൽ സിസിടിവി കാമറ സ്ഥാപിക്കാൻ തീരുമാനമായിട്ടുണ്ട്. പൊൻകുന്നം പോലീസ് സ്റ്റേഷനിൽ ദൃശ്യങ്ങൾ രാപകൽ നിരീക്ഷിക്കും