കാഞ്ഞിരപ്പളളി:  സമൂഹത്തില്‍ ദുര്‍ബല വിഭാഗത്തിലുള്ള പ്രത്യേകിച്ച് പട്ടികജാതി പട്ടി കവര്‍ഗ്ഗ വിഭാഗത്തില്‍പ്പെട്ട വിദ്യാര്‍ത്ഥികള്‍ക്ക് ഉന്നത വിദ്യാഭ്യാസത്തിനുളള  സൗകര്യ വും, അഭ്യസ്ഥവിദ്യരായ യുവജനങ്ങള്‍ക്ക് സ്വയം തൊഴിലിനുളള അവസരവും വനിതാ തൊഴില്‍ പരിശീലനത്തിലൂടെ അവരുടെ ശാക്തീകരണവും, വയോജനങ്ങള്‍ക്ക് പ്രത്യേക കര്‍മ്മ പരിപാടികളും ഇത്തവണത്തെ ത്രിതല പഞ്ചായത്തുകളുടെ വാര്‍ഷിക പദ്ധതിയി ല്‍ പ്പെടുത്തി നടപ്പിലാക്കുമെന്നും, അതിലൂടെ പാര്‍ശ്വവല്‍ക്കരിക്കപ്പെട്ട വിഭാഗങ്ങളുടെ ഉന്നമനം ഉറപ്പാക്കുമെന്നും ബ്ലോക്ക് പഞ്ചായത്ത് പ്രസിഡന്റ് ആശാ ജോയി.

കാഞ്ഞിരപ്പളളി ഐ.റ്റി.ഡി.പി. ഓഫീസിന്റെ കീഴില്‍ വരുന്ന പുഞ്ചവയല്‍, മേലുകാവ്, വൈക്കം എന്നീ ട്രൈബല്‍ എക്സ്റ്റന്‍ഷന്‍ ഓഫീസുകളുടെ സംയുക്താഭിമുഖ്യത്തില്‍ പട്ടിക  വര്‍ഗ്ഗ പ്രദേശങ്ങളിലെ ഊരുകൂട്ട ശാക്തീകരണം ലക്ഷ്യമാക്കി ഊരുകൂട്ട ബോധവല്‍ക്കരണ സെമിനാര്‍ ഉല്‍ഘാടനം ചെയ്തു സംസാരിക്കുകയായിരുന്നു പ്രസിഡന്റ്.

കാഞ്ഞിരപ്പളളി ഗ്രാമ പഞ്ചായത്ത് പ്രസിഡന്റ് ഷക്കീലാ നസീര്‍ അദ്ധ്യക്ഷത വഹിച്ച യോഗത്തില്‍ ജില്ലാ പഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്‍മാന്‍  സെബാസ്റ്റ്യന്‍ കുളത്തുങ്കല്‍ മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത് വൈസ് പ്രസിഡന്റ് ജോളി മടുക്കക്കുഴി, ബ്ലോക്ക് പഞ്ചായത്ത് സ്റ്റാന്റിംഗ് കമ്മിറ്റി ചെയര്‍മാന്‍  പി.എ. ഷെമീര്‍, പഞ്ചായത്ത് അംഗം ബീനാ ജോബി, വിവിധ പ്രോജക്ട് ഓഫീസര്‍മാ രായ വിധുമോള്‍, അഞ്ചു എസ്. നായര്‍, താര ബി., നിസാര്‍ എ. തുടങ്ങിയവര്‍ പ്രസംഗിച്ചു.

തുടര്‍ന്നു നടന്ന വിവധ സെമിനാറുകള്‍, ഹെല്‍ത്ത് ഇന്‍സ്‌പെക്ടര്‍ ജെയ്‌സണ്‍ പി., എക്‌സൈസ് ഡെപ്യൂട്ടി കമ്മീഷണര്‍ സുരേഷ് റിച്ചാര്‍ഡ്, ബാര്‍ അസ്സോസ്സിയേഷന്‍ കമ്മിറ്റിയംഗം സോണി തോമസ്,  പട്ടികവര്‍ഗ്ഗ സീനിയര്‍ സൂപ്രണ്ട്  ധര്‍മ്മരാജന്‍ എന്നിവര്‍ ക്ലാസ്സുകള്‍ എടുത്തു.