കാഞ്ഞിരപ്പള്ളി: കാഷ്മീരിലെ കഠുവയിൽ എട്ടു വയസുകാരിയെ മാനഭംഗപ്പെടുത്തിയശേഷം കല്ലിനിടിച്ച് കൊലപ്പെടുത്തിയ സംഭവത്തിലും ഉന്നാവോയിൽ പതിനേഴുകാരിയെ പീഡിപ്പിച്ച സംഭവത്തിലും പ്രതിഷേധം അലയടിക്കുന്നു. ഇന്നലെ വിവിധ സംഘടനകളുടെ നേതൃത്തിൽ ടൗണിൽ പ്രതിഷേധ പ്രകടനവും സായാഹ്നന ധർണകളും നടത്തി. 
എസ്എഫ്ഐ, ഡിവൈഎഫ്ഐ സംഘടനകളുടെയും സ്പാരോസ് ആര്‍ട്‌സ് ആന്റ് സ്‌പോര്‍ട്‌സ് ക്ലബിന്റെയും നേതൃത്തിൽ പ്രകടനം നടത്തി.DYFl കാഞ്ഞിരപ്പള്ളി ബ്ലോക്ക് കമ്മറ്റിയുടെ നേതൃത്വത്തിൽ കാഞ്ഞിരപ്പള്ളി ടൗണിൽ പ്രതിക്ഷേധ ജ്വാല തെളിയിച്ചു. പ്രതിഷേധയോഗം ബ്ലോക്ക് സെക്രട്ടറി VN രാജേഷ് ഉദ്ഘാടനം ചെയ്തു. ബ്ലോക്ക് ഭാരവാ ഹികളായ BRഅൻഷാദ്, അജാസ് റഷീദ്, മുഹമ്മദ്‌ നെജീബ്, അനിൽ മാത്യു, ബിബിൻ BR, ധീരജ് ഹരി എന്നിവർ നേതൃത്വം നൽകി.ഏന്തയാർ ടൗണിൽ നടന്ന പ്രതിഷേധ സായാ ഹ്നം ബ്ലോക്ക് കമ്മറ്റിയംഗം TIനിസ്സാർ ഉദ്ഘാടനം ചെയ്തു.ബ്ലോക്കിലെ വിവിധ യൂണി റ്റുകളിലും പ്രതിഷേധജ്വാല തെളിയിച്ചു.
ബിജെപിക്കും പ്രധാനമന്ത്രി നരേന്ദ്രമോദിക്കും ഇവരുടെ മന്ത്രിമാർക്കുമെതിരേയായിരുന്നു മുദ്രാവാക്യം.ക്രൂരമായി ബലാത്സംഘത്തിന് ഇരയായി കൊല്ലപ്പെട്ട എട്ടു വയസുകാ രിക്ക് ഐക്യ ദാര്‍ ഢ്യം പ്രഖ്യാപിച്ചു കൊണ്ട് പ്രതിഷേധ ജ്യാലയും സംഘടിപ്പിച്ചു. വൈകുന്നേരം ഏഴു മണിക്ക് കാഞ്ഞിരപ്പള്ളി പേട്ട കവലയിലാണ് മെഴുകുതിരി കത്തിച്ച് പ്രതിഷേധ ജ്വാല സംഘടിപ്പിച്ചത്.
പാറത്തോട്: പബ്ലിക് ലൈബ്രറിയുടെ ആഭിമുഖ്യത്തിൽ പ്രതിഷേധ പ്രകടനവും സമ്മേളനവും നടത്തി. മെഴുകുതിരി കത്തിച്ചു നടത്തിയ പ്രകടനത്തിൽ സാമൂഹ്യ, സാംസ്കാരിക രംഗങ്ങളിൽ പ്രവർത്തിക്കുന്ന നിരവധിയാളുകൾ പങ്കെടുത്തു. ലൈബ്രറി ഹാളിൽ നിന്ന് പ്രവർത്തകർ മെഴുകുതിരി കത്തിച്ച് പ്രകടനമായി സമ്മേളന നഗരിയായ പാറത്തോട് ടൗണിലെത്തിച്ചേർന്നു.ലൈബ്രറി പ്രസിഡന്റ് ടി.എ. സൈനില്ല അധ്യക്ഷതവഹിച്ചു. പഞ്ചായത്ത് മെംബർ വർഗീസ് കൊച്ചുകുന്നേൽ സമ്മേളനം ഉദ്ഘാടനം ചെയ്തു. പി.ഐ. ഷാഹുൽ ഹമീദ്, സുരേന്ദ്രൻ കൊടിത്തോട്ടം, ലൈബ്രറി സെക്രട്ടറി സുരേഷ് ടി.വി., ആമിന നസീർ, മാഹിൻ ബഷീർ, പി.ടി. അബ്ദുൾസലാം ഹാജി തുടങ്ങിയവർ പ്രസംഗിച്ചു. 
കഠുവയിലെ ബാലികയെ കിരാതമായി കൊലപ്പെടുത്തിയ നടപടിക്കെതിരേ മുസ്‌ലിം ലീഗ് ഇടക്കുന്നം ശാഖാ കമ്മിറ്റി പ്രതിക്ഷേധ പ്രകടനവും യോഗവും നടത്തി. ജില്ലാ കമ്മിറ്റിയംഗം ജലാൽ പൂതക്കുഴി ഉദ്ഘാടനം ചെയ്തു. പി.എസ്. അബ്ദുൾ ജലീൽ, കെ.എം. അബ്ദുൾ അസീസ്, ഷുക്കൂർ ഇടക്കം, വി.എം.എ. റഷീദ്, ഷറഫുദീൻ, അൽത്താഫ് ഉമ്മർ, ഉനൈസ് നാസർ എന്നിവർ പ്രസംഗിച്ചു.
