ആക്രി കച്ചവടത്തിന്റെ മറവിൽ വീട് കയറി മോഷണം. യുവാവിനെ മുണ്ടക്കയം പോലീസ് അറസ്റ്റ് ചെയ്തു.ആക്രി സാധനങ്ങള് പെറുക്കാന് എന്ന വ്യാജേന വീടുകയറി മോഷണം നടത്തിയയാള് പിടിയില്. എരുമേലി കരിനിലം കപ്പിലാമൂട് അങ്കണവാടി ഭാഗത്ത് കാവുങ്കല് മൂര്ത്തി ചിന്നസ്വാമി (38) യെയാണ് മുണ്ടക്കയം പോലീസ് അറസ്റ്റ് ചെയ്തത്. ഇയാള് കഴിഞ്ഞ വെള്ളിയാഴ്ച മുണ്ടക്കയം വൈഎംസിഎ ഭാഗത്ത് പൂട്ടിയിട്ടിരുന്ന വീട്ടില് കയറി അടുക്കളയില് സൂക്ഷിച്ചിരുന്ന അലുമിനിയം പാത്രങ്ങള്, ഓട്ടുരുളി, ഇന്റാലിയം ഉരുളി, ഓട്ടുവിളക്ക്, ജീപ്പിന്റെ ക്യാരിയര്, ഇരുമ്പ് സ്റ്റാന്ഡ് എന്നിവ മോഷ്ടിച്ചു. വീട്ടുകാര് ബന്ധുവീട്ടില് നിന്ന് കഴിഞ്ഞദിവസം തിരിച്ചെത്തിയപ്പോഴാണ് മോഷണ വിവരമറിയുന്നത്. തുടര്ന്ന് മുണ്ടക്കയം സ്റ്റേഷനില് പരാതി നല്കി. പോലീസ് നടത്തിയ അന്വേഷണത്തില് മൂര്ത്തി ചിന്നസ്വാമിയെ എരുമേലിയില് നിന്ന് പിടികൂടുകയുമായിരുന്നു. ഇയാള് മോഷ്ടിച്ചു വില്പ്പന നടത്തിയ സാധനങ്ങള് പോലീസ് ആക്രി കടയില് നിന്നു കണ്ടെടുത്തു. പ്രതിക്ക് വെച്ചൂച്ചിറ പോലീസ് സ്റ്റേഷനില് മോഷണ കേസുണ്ട്.