ഓട്ടോറിക്ഷ മതിലിലിടിച്ചുണ്ടായ അപകടത്തിൽ പരിക്കേറ്റ് ചികിത്സയിലിരുന്ന ഡ്രൈവർ മരിച്ചു. ഇളങ്ങുളം വടക്കുംഭാഗം പാലയ്ക്കൽ പരേതനായ രാജഗോപാലിന്റെ മകൻ പി.ആർ. രാജേഷ് (40) ആണ് മരിച്ചത്. വ്യാഴാഴ്ച രാത്രി 11ഓടെ ഇദ്ദേഹം ഓടിച്ച ഓട്ടോറിക്ഷ കൂരാലി-പള്ളിക്കത്തോട് റോഡിൽ കൂരാലിക്കു സമീപം മതിലിലിടിച്ചാണ് അപകടമുണ്ടായത്. ഓടയിലേക്കു തെറിച്ചുവീണ് പരിക്കേറ്റ രാജേഷ് പാലാ മാർ സ്ലീവ മെഡിസിറ്റിയിൽ ചികിത്സയിലായിരുന്നു. ഇളങ്ങുളം ശാസ്താ ദേവസ്വം അംഗമായിരുന്നു. മാതാവ്: സുമതി. സഹോദരൻ: രാജീവ്. സംസ്കാരം തിങ്കളാഴ്ച വൈകുന്നേരം നാലിന് വീട്ടുവളപ്പിൽ.